今阿日下埔来到彰化海边 日头炎炎照着阮ㄟ面
酸酸的海风穿入阮的耳 是不是海洋要向我来哭悲情
到底是发生什么大代志 海底的鱼仔陇总走去躲
海边的鸟仔哭都哭不停 听说是阿国仔要来抢地做生意
海边驶牛车的欧吉桑 饲蚵仔做食已经五六十冬
他说土地是母亲请你勿通买卖 大自然的生命要留给子孙仔来生活
阿~你咁知影 是这片土地来尬咱晟
阿~你咁知影 是这片海洋来饲咱台湾
创造经济奇蹟的企业大财团 请你珍惜美丽formosa
高高在上的政府大官 请你走出京城真足听
农民的心声 渔民的心声 子孙仔的心声 请你真足听
土地的心声 山岭的心声 海水的心声 你咁有咧听
鸟仔的心声 鱼仔的心声 海猪仔的心声
请你向天向地 请你详细来听 这都不是咱人可以得到的一切
------------------------------------------
《海岸悲歌》Hái-huānn Pi-kua
农村武装青年乐团 Lông-tshuan Bú-tsong Tshing-liân Ga̍k-thuân
主唱：阿达 A-ta̍t (江育达 Kang Io̍k-ta̍t)
今仔日下晡
kin-á-ji̍t ē-poo
来到彰化海边
lâi-kàu Tsiong-huà hái-pinn
日头炎炎
ji̍t-thâu iām-iām
照着阮的面
tsiò tio̍h gún ê bīn
酸酸的海风
sng-sng ê hái-hong
穿伫阮的耳
tshng tī gún ê hīnn
是毋是海洋
sī-m̄-sī hái-iûnn
欲向阮来诉悲情
beh hiòng gún lâi sòo pi-tsîng
到底是发生著
tàu-té sī huat-sing tio̍h
啥物大代志
siánn-mih tuā tāi-tsì
海底的鱼仔
hái-té ê hî-á
是拢总走去覕
sī lóng-tsóng tsáu-khì bih
海边的鸟仔
hái-pinn ê tsiáu-á
是吼拢吼袂停
sī háu lóng háu buē thîng
听讲是阿国仔
thiann-kóng sī A-kok--á
欲来抢地做生理
beh lâi tshiúnn tē tsò-sing-lí
海边驶牛车的欧吉桑
hái-pinn sái gû-tshia ê oo-jí-sáng
饲蚵仔作穑
tshī ô-á tsoh-sit
已经五六十冬
í-king gōo-la̍k-tsa̍p tang
伊讲土地是母亲
i kóng thóo-tē sī bú-tshin
请你毋通买卖
tshiánn lí m̄-thang bé-bē
大自然的性命
tāi-tsū-jiân ê sìnn-miā
欲留予囝孙仔来生活
beh lâu hōo kiánn-sun-á lâi sing-ua̍h
啊~你敢知影
ah~ lí kám tsai-iánn
是这片土地
sī tsit phìnn thóo-tē
来共咱晟
lâi kā lán tshiânn
啊~你敢知影
ah~ lí kám tsai-iánn
是这片海洋
sī tsit phìnn hái-iûnn
来饲咱台湾
lâi tshī lán Tâi-uân
创造经济奇蹟的
tshòng-tsō king-tsè kî-tsik ê
企业大财团
khì-gia̍p tuā tsâi-thuân
请你珍惜美丽Formosa
tshiánn lí tin-sioh bí-lē Formosa
高高在上的
ko-ko tsāi-siōng ê
政府大官
tsìng-hú tuā-kuann
请你行出京城
tshiánn lí kiânn tshut kiann-siânn
斟酌听
tsim-tsiok thiann
农民的心声
lông-bîn ê sim-siann
渔民的心声
hî-bîn ê sim-siann
囝孙仔的心声
kiánn-sun-á ê sim-siann
请你斟酌听
tshiánn lí tsim-tsiok thiann
土地的心声
thóo-tē ê sim-siann
山岭的心声
suann-niá ê sim-siann
海水的心声
hái-tsuí ê sim-siann
你敢有咧听
lí kám ū leh thiann
鸟仔的心声
tsiáu-á ê sim-siann
鱼仔的心声
hî-á ê sim-siann
海猪仔的心声
hái-ti-á ê sim-siann
---
请你向天向地
tshiánn lí hiòng thinn hiòng tē
请你详细来听
tshiánn lí siông-sè lâi thiann
这拢毋是咱人
tse lóng m̄-sī lán-lâng
会当得着的一切
ē-tàng tit-tio̍h ê it-tshè