揣啊揣

农村武装青年

作词:江育达
作曲:江育达
编曲:农村武装青年

天空 海洋 山岭 河流 田园 老树 古厝 祖先仔ê智慧
天空 海洋 山岭 河流 田园 老树 古厝 祖先仔ê智慧

老祖先你传承ê智慧 踮在土地上千百万年
用伊ê身躯 用伊ê性命 一点一滴 慢慢仔leh生活

思啊想啊起~走揣gún祖先仔ê记持
思啊想啊起~囝孙仔lán ê跤步是beh行tuì佗位去
思啊想啊起~揣啊揣 揣lóng无 揣无转--去ê路tī佗位

揣啊揣 揣啊揣 揣无厝地来传家
吹啊吹 吹啊吹 吹熄了公妈厅ê火
行啊行 beh行去佗位 只䞐一堆破碎ê老厝瓦

思啊想啊起~走揣gún祖先仔ê记持
思啊想啊起~囝孙仔lán ê跤步是beh行tuì佗位去
思啊想啊起~有请祖先仔你著爱来保庇ooh

保庇囝孙双跤徛tī家己温暖ê家园
有家己ê身躯 家己ê思想 家己ê文化kap语言
有家己ê生活 家己ê主张 家己ê尊严 家己ê土地


歌曲:揣啊揣
演唱:农村武装青年
作词:江育达
作曲:江育达