来到这个街市 黑暗酒家内
虽然是为着生活 有时也会悲
夜半的拵拵冷风 吹入阮心内
阮一生全无美梦 夜开的花蕊
今夜为你花开 明夜为伊开
你那著替阮担心 不用来挂意
打碎的茫茫前途 由天来安排
阮就是无主野花 所以乱乱开
夜半来惦在房内 目屎流袂离
怨叹著阮的运命 怎样这呢歹
流落的伤心目屎 若是尽的时
阮就来提出勇气 才会活落去
------------------------------------------
《后街人生》Āu-ke Jîn-sing
陈一郎Tân It-lông
阮来到这个街市
gún lâi-kàu tsit-ê ke-tshī
乌暗酒家内
oo-àm tsiú-ka lāi
虽然是为着生活
sui-jiân sī uī-tio̍h sing-ua̍h
有时也会悲
ū-sî iā ē pi
夜半的阵阵冷风
iā-puànn ê tsūn-tsūn líng-hong
吹入阮心内
tshue ji̍p gún sim-lāi
阮一生全无美梦
gún it-sing tsuân bô bí-bāng
夜开的花蕊
iā khui ê hue-luí
阮今夜为你花开
gún kim-iā uī lí hue khui
明夜为伊开
bîng-iā uī i khui
你哪著替阮担心
lí ná-tio̍h thè gún tam-sim
毋免来挂意
m̄-bián lâi kuà-ì
拍碎的茫茫前途
phah-tshuì ê bông-bông tsiân-tôo
由天来安排
iû thinn lâi an-pâi
阮就是无主野花
gún tsiū-sī bô-tsú iá-hue
所以乱乱开
sóo-í luān-luān khui
夜半来踮在房内
iā-puànn lâi tiàm-tsāi pâng-lāi
目屎流袂离
ba̍k-sái lâu buē-lī
怨叹著阮的运命
uàn-thàn tio̍h gún ê ūn-miā
怎样遮尔䆀
tsuánn-iūnn tsiah-nī bái
流落的伤心目屎
lâu--lo̍h ê siong-sim ba̍k-sái
若是尽的时
nā-sī tsīn ê sî
阮就来提出勇气
gún tsiū lâi the̍h tshut ióng-khì
才会活落去
tsiah-ē ua̍h--lo̍h-khì