作词：斗热闹
作曲：斗热闹
所有的战士已经死去，只䞐妇女佮子儿。
谁讲这只是天大的奇变喔，谁讲是起于一时，
人上珍重的就是性命，从来毋捌有人来将伊看轻，
这一摆会使咱的种族来灭亡，
伫怹的心内早就已经看明明。
佮怹仝款的遭遇，仝款生存伫不幸，
遐的惊死偷生的煞伫这届血祭坛上，
意外得着生存，
谁敢相信这来来去去，就找袂出别款的原因？
“咱拢是歹命人！较紧走落山去！”
这是啥物语言？这是如何的决意！
是怨是仇？虽然不知，是妄是愚？哪著议论！
斗阵战到最后，敢是野蛮的血块流？
是按怎的生不如死？突然间有这呼声！
兄弟啊！来！来佮怹一拼！
凭咱的一身，凭咱的双手！
免惊伊毒气、机关鎗
免惊伊飞行机、炸弹
兄弟啊！凭咱的一身，凭咱的双手！
所有的战士拢觉悟来死去，
敢说怹真正野蛮无知？
看着鲜红的血啊，就袂记一切的欢喜，
兄弟啊！咱到这个时候，阁有啥物生的快活？
劳动总是神圣的代志，牛嘛只有按呢拖，
咱的妇女竟然是消遣品，咱的生活煞比狗较输？
ta一个囝仔无天真可爱，鸭霸的怹煞来创治虐待，
算看觅咱所受痛苦，谁拢会感觉无限悲哀。
兄弟啊！咱著来佮怹一拼！
凭咱的一身，凭咱的双手啊！
徛伫即马的环境，只是偷生有啥物路用？
眼前的幸福虽然享袂到，嘛著为子孙来斗争！
兄弟啊！咱著来佮怹一拼！
凭咱的一身，凭咱的双手啊！