作词：陈升
作曲：陈升
咱宝岛的风水真正有名
全世界拢知影美丽福尔摩沙
凤梨和香蕉四季生得满山泙
乞丐也驶车街仔路赚吃
来跳恰恰轻松的舞步正流行 (来跳恰恰)
不管它注死落来的飞弹
酒就会喝 喊拳会赢
酒醉才相招来旅社
姑娘啊 妳呒免惊
小百姓的现金仔是真多
错过了今夜你一定后悔
咱宝岛的姑娘啊真正趣味
新台币若拿着就忘记了咱的名字
亲像是咱饲的大官每天都拢在臭弹
出事情像蟑螂走到没半只
来跳恰恰轻松的舞步正流行 (来跳恰恰)
不管它奸商害死的有几个
唱着阮风流的歌
天光要相招来去打高尔夫
欧里桑 你呒免惊
阮的命拢寄付在公卖局
一摊若不爽就搁再续一摊
姑娘啊 妳呒免惊
小百姓的签单拢寄在那壁
贪婪的宝岛全世界有名
《宝岛恋歌》Pó-tó Luân-kua
陈升Tân Sing
新宝岛康乐队 Sin Pó-tó Khong-lo̍k-tuī
咱宝岛的风水真正有名
lán pó-tó ê hong-suí tsin-tsiànn ū-miâ
全世界拢知影美丽福尔摩莎
tsuân sè-kài lóng tsai-iánn bí-lē Hoo-lú-móo-sah
王梨佮弓蕉四季生甲满山坪
ông-lâi kah kin-tsio sù-kuì senn kah muá-suann-phiânn
乞食也驶车街仔路趁食
khit-tsia̍h iā sái-tshia ke-á-lōo thàn-tsia̍h
来跳赤赤咱的舞步当时行
lâi thiàu tshiah-tshiah lán ê bú-pōo tng sî-kiânn
毋管伊注死落落来的飞弹
m̄-kuán i tsù-sí lak--lo̍h-lâi ê hui-tuânn
酒著爱啉喝拳会赢
tsiú tio̍h-ài lim huah-kûn ē iânn
酒醉才相招来旅社
tsiú-tsuì tsiah sio-tsio lâi lú-siā
姑娘仔你毋免惊
koo-niû-á lí m̄-bián kiann
小百姓的仙头仔是诚济
sió-peh-sìnn ê sián-thâu--á sī tsiânn tsuē
错过了今夜你一定后悔
tshò kuè-liáu kim-iā lí it-tīng hiō-hué
咱宝岛的姑娘仔真正趣味
lán pó-tó ê koo-niû-á tsin-tsiànn tshù-bī
新台票若捎咧就袂记得咱的名
sin-tâi-phiò nā sa--leh tō buē-kì-leh lán ê miâ
亲像是咱饲的大官
tshin-tshiūnn sī lán tshī ê tuā-kuann
逐工拢咧臭弹
ta̍k-kang lóng leh tshàu-tuānn
出代志
tshut-tāi-tsì
像虼蚻走甲无半只
tshiūnn ka-tsuah kah bô puànn tsiah
来跳赤赤咱的舞步当时行
lâi thiàu tshiah-tshiah lán ê bú-pōo tng sî-kiânn
毋管伊奸商害死的有几个
m̄-kuán i kan-siong hāi-sí--ê ū kuí ê
唱着阮风流的歌
tshiùnn tio̍h gún hong-liû ê kua
天光才相招来拍高尔夫
thinn-kng tsiah sio-tsio lâi phah goo-lú-huh
欧吉桑你毋免惊
oo-jí-sáng lí m̄-bián kiann
阮的命拢寄付咧公卖局
gún ê miā lóng kià-hù leh Kong-buē-kio̍k
一摊袂爽阁再绁一摊
tsi̍t-thuann buē sóng koh-tsài suà tsi̍t-thuann
姑娘仔你毋免惊
koo-niû-á lí m̄-bián kiann
小百姓的签单拢寄伫咧壁
sió peh-sìnn ê tshiam-tuann lóng kià tī-leh piah
贪婪的宝岛全世界有名
tham-lâm ê pó-tó tsuân sè-kài ū-miâ