作詞：吳 梵
作曲：吳 梵
編曲：張振杰
月色這呢黯淡 孤單形影一人
當初若是卡早來拒絕 這袂如今做著憨人
青春換來虧欠 希望變成絕望
怪阮愛著不該愛的人 多情多愛多怨嘆
不管我愛有外深 現實猶原這呢殘忍
愛袂起放袂落的心情 是阮(誰)一手造成
就算阮愛你這深 為你誤了美麗人生
這段情這段愛你免還 今生無緣只有等待來生
------------------------------------------
《愛有偌深》Ài Ū Guā Tshim
陳淑萍Tân Siok-phîng
月色遮爾暗淡
gue̍h-sik tsiah-nī àm-tām
孤單形影一人
koo-tuann hîng-iánn tsi̍t-lâng
當初若是較早來拒絕
tong-tshoo nā-sī khah-tsá lâi kī-tsua̍t
才袂如今做著戇人
tsiah buē jû-kim tsuè tio̍h gōng-lâng
青春換來虧欠
tshing-tshun uānn lâi khui-khiàm
希望變成絕望
hi-bāng piàn-sîng tsua̍t-bāng
怪阮愛著不該愛的人
kuài gún ài-tio̍h put-kai ài ê lâng
多情多愛多怨嘆
to-tsîng to-ài to uàn-thàn
毋管我愛有偌深
m̄-kuán guá ài ū guā tshim
現實猶原遮爾殘忍
hiān-si̍t iu-guân tsiah-nī tsân-jím
愛袂起放袂落的心情
ài buē khí pàng buē lo̍h ê sim-tsîng
是阮(誰)一手造成
sī gún (siáng) it-tshiú tsō-sîng
就算阮愛你遮深
tiō-sǹg gúnài lí tsiah tshim
為你誤了美麗人生
uī lí gōo liáu bí-lē jîn-sing
這段情這段愛
tsit tuānn tsîng tsit tuānn ài
你免還
lí bián hîng
今生無緣
kim-sing bô-iân
只有等待來生
tsí-ū tán-thāi lâi-sing