作詞：潘心怡作曲：潘心怡雖然妳無媠的面容但是妳總是梳妝甲真整齊雖然妳的雙手粗擱大呣擱摸起來是許呢溫暖雖然妳不曉讀聖經但是妳逐禮拜去敬拜上帝雖然妳攏叫我憨孫耶呣擱我知我是妳的寶貝阿嬤 我懷念清早時看妳佇灶腳無閒互我十塊去買豆棗阿嬤 我懷念妳互我摜著茶摳盒仔綴妳去井仔洗衫阿嬤 我懷念下晡時妳起火亨燒水真出力幫我洗身軀阿嬤 我懷念妳導我甲弟弟坐三輪車綴妳去街仔辦代誌阿嬤 我足想欲擱再看到妳我真想欲擱再聽妳對我講：「心怡,妳真乖!」