天頂的一蕊雲

孫淑媚( May Suen )

作詞:吳梵
作曲:吳梵
編曲:陳飛午

伊講天頂的一蕊雲 是伊註定漂浪的靈魂
惦在這世間 尚悲哀的人 是無愛無恨無青春

伊講海上的一隻船 是伊袂凍靠岸的命運
無邊的天涯 茫茫的人海 冷暖心事無人問

孤單為啥人 攏是不甘願 一天過了一天 只剩青春夢
心愛彼個人 愛的是別人 環境逼阮無愛無恨 做著一個無情人

------------------------------------------

10588/《天頂的一蕊雲》Thinn-tíng ê Tsi̍t-luí Hûn
孫淑媚Sun Siok-bī

伊講天頂的一蕊雲
i kóng thinn-tíng ê tsi̍t-luí hûn
是伊註定漂浪的靈魂
sī i tsù-tiānn phiau-lōng ê lîng-hûn
踮在這世間
tiàm tsāi tse sè-kan
上悲哀的人
siōng pi-ai ê lâng
是無愛無恨無青春
sī bô ài bô hūn bô tshing-tshun

伊講海上的一隻船
i kóng hái-siōng ê tsi̍t-tsiah tsûn
是伊袂當靠岸的命運
sī i buē-tàng khò-huānn ê miā-ūn
無邊的天涯
bô-pinn ê thian-gâi
茫茫的人海
bâng-bâng ê jîn-hái
冷暖心事無人問
líng-luán sim-sū bô-lâng mn̄g

孤單為啥人
koo-tuann uī siánn-lâng
攏是毋甘願
lóng-sī m̄ kam-guān
一工過了一工
tsi̍t-kang kuè-liáu tsi̍t-kang
只賰青春夢
tsí tshun tshing-tshun bāng
心愛彼个人
sim-ài hit ê lâng
愛的是別人
ài ê sī pa̍t-lâng
環境逼阮無愛無恨
khuân-kíng pik gún bô ài bô hūn
做著一个無情人
tsuè tio̍h tsi̍t-ê bô-tsîng-lâng


歌曲:天頂的一蕊雲
演唱:孫淑媚( May Suen )
作詞:吳梵
作曲:吳梵