作詞：林俊逸
作曲：林俊逸
夕陽為街路點胭脂
紅霞一下著滿滿規片天
家家戶戶暗頓 煮食的芳味
佇塗跤的背影 是我家己
看人悲傷歡喜 跋倒閣徛起
笑笑面對世間的稀微
一雙箸 一个人 一桌菜 一支喙
一頓飯 一个願 一世人 一个字
你的故事有我的心聲
我的歌聲有你的悲歡
三五分鐘 目屎笑容咱公家一半
一人一半 有伴著袂孤單
走唱到今毋知偌濟冬
我攑「麥克」 分擔你的心情
一條路 一段情 一片天 一支喙
一首歌 一段詩 一世人 一个字
一條路 一段情 一个家 咱鬥陣來扞
你的手 予我來牽 一世人 一个伴
感謝你做我的伴 聽我唱歌
聽我唱歌 聽我唱歌