作詞：黃聖峰 A-Fong Huang
作曲：黃聖峰 A-Fong Huang
好的心情 佗位有通買
一直咧啉 一杯閣一杯
想欲一个自由自在 的日子 通予我歇喘一回
時間短短 賰無偌濟
講會出喙 䆀的是真濟
無論如何 為著生活 我抑是 會用著欺騙咧過
啊 ～ 人生啊 只有一回 大膽的表現 莫想遐濟
啊 ～ 傷痛換奢颺的名 趁少年趕緊去佮伊拚
我無少年 毋敢自由飛
小可快樂 就親像風吹
行著輕鬆 踏著快樂 的心情 彼毋是定定有的
來來去去 閣恬恬離開
新的一年 欲按怎開始
無論如何 過去絕望 的代誌 我會閣 繼續相信
啊 ～ 人生啊只有一回 大膽的表現 莫想遐濟
啊 ～ 總是愛傷痛過後 才看清一切 真緊就過
啊 ～ 咱若是活在有愛 體會的世界 就是美麗
啊 ～ 少年的 失去的快樂 是無地買