作詞：學民
作曲：學民
編曲：等阮返來
古早古早有一個少年仔他的名叫阿達仔，
真未扭掠、愛綴朋友黑白輞，
住在隔壁的厝邊仔都講他是屁塞仔，
講話昌颺、他袂輸佇扮電影。
古早古早有一個少年仔他的名叫阿達仔
做人荏爛、逐工攏四界野跤。
但是他若有機會，他要佮人去台北，
好好打拼，儉樓仔厝予爸母住。
少年仔毋捌代誌，少年仔講話鐵齒，
少年仔褲底沒錢，少年仔欲去佗位，
少年仔不分是非，少年仔做人曲敧，
少年仔定定失志，少年仔命運創治。
佇無情的社會，等待的是叨一個？
佇現實的社會，等待的是叨一個？
少年仔毋捌代誌，少年仔講話鐵齒，
少年仔褲底沒錢，少年仔欲去佗位，
少年仔不分是非，少年仔做人曲敧，
少年仔定定失志，少年仔命運創治。