作詞：肥寶KidGod(孔慶寶)
作曲：肥寶KidGod(孔慶寶)
燈紅酒綠嘅嘻哈 每日吱喳碰(bung4)喳
都跟大隊被同化 時也命也
我哋靈魂難道要貼上 明碼實價
各位浮躁嘅rapper 係時候靜下
聆聽 嚟自真正街坊生活嘅真誠
疾病 貧窮 你冇可能當佢隱形
消失嘅大氣層 佢冇可能再生成
新型 嘅病毒吞噬 住每個生命
猙獰 係一副又一副惡毒嘅心靈
分明 開發科技資源 必需塗炭生靈
我寫呢隻歌 唔係 爲咗爲民請命
呢度係我屋企 我冇可能鎮定
現實理解唔到 就好似一部cult(kaau1)片
商人吹住葫蘆 勾結 惗下點樣收錢
將你班奴隸獸好似人體蜈蚣噉串連
你選擇沉默 定係選擇攞返你嘅尊嚴？
我相信我可以繼續 爲咗呢個世俗
笑面佛 孤身 背水一戰
Wake up...正義係我腦海中嘅明燈
Wake up...金錢虛榮注射氾濫成癮
Wake up...日月同星辰請賜我靈感
Wake up...舌劍脣槍 橫掃千軍！
汙糟嘅煙通攻 住汙糟嘅天空
落住汙糟嘅雨 滴落汙糟嘅面孔
汙糟嘅食物 遭遇汙糟嘅變種
汙糟嘅建築 背後有班汙糟嘅監工
當你頭痛 要啪粒汙糟嘅先鋒
汙糟嘅醫學制度令百姓好驚恐
一個個失落嘅面容 喪屍般失控
消失嘅航班 消失於汙糟嘅謊言中
朋友 有冇考慮自己能唔能夠
原地守候 定係跳起翻個筋斗
開發你嘅思維 自由 奔走
畀自己一個真正嘅態度 活著嘅理由
信念 善良 氣由心生
有品味 有思想無需穿金戴銀
無需擔心個世界永遠判決你係個蟻民
亂世中嘅英雄 都係出自草根階層
你相唔相信你哋可以繼續 爲咗呢個世俗
笑面佛 孤身 背水一戰
Wake up...正義係我腦海中嘅明燈
Wake up...金錢虛榮注射氾濫成癮
Wake up...日月同星辰請賜我靈感
Wake up...舌劍脣槍 橫掃千軍！