作詞：吳少勇
作曲：吳少勇
編曲：邱逸安
又閣無你的消息 又閣踮啥人身軀邊
留戀啥人的香味 是啥人予你醉生夢死
講話毋通遮聳勢 山盟海誓聽甲真歹勢
真情真愛過一暝 天光就送去拍賣
愛若是遮迷人 哪會閣有遮濟傷心人
日日夜夜為伊咧空等 等甲人攏無像人 心頭空空
愛你親像夢 原來精神猶是阮一人
猶是阮一个人毋願放 愛甲無撙也無節
------------------------------------------
9585/《無撙無節》Bô-tsún-bô-tsat
賴慧如Luā Huī-jû
又閣無你的消息
iū-koh bô lí ê siau-sit
又閣踮啥人身軀邊
iū-koh tiàm siánn-lâng sin-khu pinn
留戀啥人的芳味
liû-luân siánn-lâng ê phang-bī
是啥人予你醉生夢死
sī siánn-lâng hōo lí tsuì-sing bāng-sí
講話毋通遮聳勢
kóng-uē m̄-thang tsiah sáng-sè
山盟海誓
san-bîng hái-sè
聽甲真歹勢
thiann kah tsin pháinn-sè
真情真愛過一暝
tsin-tsîng tsin-ài kuè tsi̍t-mê
天光就送去拍賣
thinn kng tiō sàng khì phah-bē
愛若是遮迷人
ài nā-sī tsiah bê-lâng
哪會閣有遮濟傷心人
ná ē koh ū tsiah tsuē siong-sim lâng
日日夜夜
ji̍t-ji̍t-iā-iā
為伊咧空等
uī i teh khang tán
等甲人攏無像人
tán kah lâng lóng bô tshiūnn lâng
心頭空空
sim-thâu khang-khang
愛你親像夢
ài lí tshin-tshiūnn bāng
原來精神猶是阮一人
guân-lâi tsing-sîn iáu-sī gún tsi̍t-lâng
猶是阮一个人毋願放
iáu-sī gún tsi̍t-ê-lâng m̄-guān pàng
愛甲無撙也無節
ài kah bô-tsún iā bô-tsat