feat. 馬曼莉
作詞：李峻一
作曲：李峻一
編曲：鄺啟博
恐懼 出世以來從未試過呢種
焦慮 喱係屋企自閉邊度都唔敢去
全球確診數字一直攀升上去
好朋友 唔知幾時可以再聚
小朋友 無所事事唔使返校
喺屋企 恐怖過睇電影返校
爭玩具 爭寵爭食日日吵鬧
街上面好多店舖開始逐一倒閉
員工同老闆 都係一樣閉翳
二十年無風無浪 今日災難到嚟
澳門人 究竟領略咗個乜嘢真諦
我哋係產業太單一 定係租金太貴
一日賭客唔嚟 經濟就完全摧毁
聽日回復正常 係咪又前事不提
定係開始反思乜嘢係居安思危
人生怎會平順美好到永遠
難免要越過困險崎嶇路段
記得經過長夜曙光未遙遠
逆境裡信念握緊不要少
忽然間 明白無乜嘢係必然擁有
無論係健康身體 定係物質享受
曾經諗過返美加 探望我嘅親友
講吓講吓又一年 時光匆匆溜走
下次再相聚 唔知係乜嘢時候
有啲嘢唔可以遲 遲咗就變成永別
幾多偉大計劃 敵唔過無常世事
一日疫情結束 大家要多啲見面
生死有命富貴由天人生從來 冇必然
人生怎會平順美好到永遠
難免要越過困險崎嶇路段
記得經過長夜曙光未遙遠
逆境裡信念握緊不要少
人生怎會平靜美好到永遠
常怕美麗世界會傾刻幻滅
仍可相愛的就趁早別遲了
下一次見面不知於哪天
究竟一隻病毒係點樣忽然嚟到
係人類殺業太重 定係南極唔夠凍
大氣層穿左個窿 定係食得太多肉
末日鐘聲響起 人類仲繼續發夢
其實依家先改變 係咪已經太遲
遲到好過冇做到 一切都仲未有定數
選擇天堂定地獄 決定權喺你手度
選擇相愛定相殺 你會點樣做