鄭宇辰 > Empty Orio > 廢話

廢話

作詞:鄭宇辰 ORio Cheng
作曲:鄭宇辰 ORio Cheng

這位少年迎面行來 看起來放放白痴白痴
應該是心內有代誌 手插褲袋憂頭結面
雖然講我毋捌你 你無熟似我但是無要緊
看你若屎的面 就算予車挵嘛無人欲插你

嘿 !少年的 !我知影你這馬真艱苦
你只賰憂煩是袂當解決問題啊

俗語講千苦萬苦為著腹肚
好歹照輪 坐的毋知徛的艱苦
一句話三斤六重 你若講出來
水潑落地歹收回
甘蔗無雙頭甜 放予開去接受去面對
我只是講幾句希望對你有幫助 你著愛記

嘿!少年的 !我知影你這馬真艱苦
但是憂煩袂當解決問題啊
失敗無算啥 成功嘛無重要啦
你愛原諒自己 對頭重行

人生毋是你想的遐爾順遂
代誌閣較䆀嘛愛弓起來毋通失志
佮咱無緣的 毋免想嘛莫去追求
像風吹斷了線