黃乙玲 > 台灣歌古早曲[紀念恩師吳晉淮] > 月娘半屏圓

月娘半屏圓

春去秋來又一年,乎阮想著心傷悲;
舉頭看見天頂星,月娘猶原半屏圓
遙遠故鄉幾千里,離開父母數十年,
啊 ~ 天星閃熾月半圓

聽見窗外鳥隻啼,聲聲句句在耳邊;
引阮想起彼當時,難分難離的伴侶
雖然離開伊身邊,愛伊的心永難移,
啊 ~ 天星閃熾月半圓

愈想心內愈稀微,只有怨嘆阮自己;
情緒乎阮未安定,叫阮怎樣倒反去
忍耐一切酸苦味,等待他日再團圓,
啊 ~ 天星閃熾月半圓