聞著酒 人就淡薄啊茫 想著你 目周淡薄啊紅
緣不夠深 情路行到剩孤帆 愛不夠重 天光只是一場夢
珠淚滴 嘴有淡薄啊鹹 風吹來 面有淡薄啊黏
沒一雙手 抓會住想飛的心 沒一句話 留會住欲走的人
你若欲愛別人 就甭問我傷甲外重
你的吻甲你的情 對阮一世人變成戲弄
你若欲愛別人 就做你去找你的夢
阮若笑 阮若哭 對你已經攏無效 你若欲愛別人
8203/《你若欲愛別人》Lí Nā Beh Ài Pa̍t-lâng
黃乙玲N̂g It-lîng
鼻著酒
phīnn-tio̍h tsiú
人就淡薄仔茫
lâng tiō tām-po̍h-á bâng
想著你
siūnn-tio̍h lí
目睭淡薄仔紅
ba̍k-tsiu tām-po̍h-á âng
緣無夠深
iân bô-kàu tshim
情路行到賰孤帆
tsîng-lōo kiânn kàu tshun koo-phâng
愛無夠重
ài bô-kàu tāng
天光只是一場夢
thinn-kng tsí-sī tsi̍t-tiûnn bāng
珠淚滴
tsu-luī tih
喙有淡薄仔鹹
tshuì ū tām-po̍h-á kiâm
風吹來
hong tshue--lâi
面有淡薄仔黏
bīn ū tām-po̍h-á liâm
無一雙手
bô tsi̍t-siang tshiú
掠會牢想飛的心
lia̍h ē tiâu siūnn pue ê sim
無一句話
bô tsi̍t-kù uē
留會牢欲走的人
lâu ē tiâu beh tsáu ê lâng
你若欲愛別人
lí nā beh ài pa̍t-lâng
就莫問我傷甲偌重
tiō mài mn̄g guá siong kah guā tāng
你的唚佮你的情
lí ê tsim kah lí ê tsîng
對阮一世人變成戲弄
tuì gún tsi̍t-sì-lâng piàn-sîng hì-lāng
你若欲愛別人
lí nā beh ài pa̍t-lâng
就做你去揣你的夢
tiō tsuè lí khì tshuē lí ê bāng
阮若笑
gún nā tshiò
阮若哭
gún nā khàu
對你已經攏無效
tuì lí í-king lóng bô-hāu
你若欲愛別人
lí nā beh ài pa̍t-lâng