原曲：美空雲雀1958年'花笠道中'
作詞：葉俊麟
作曲：米山正夫
請借問播田的 田莊阿伯啊
人塊講繁華都市 台北對叼去
阮就是無依偎可憐的女兒
自細漢著來離開 父母的身邊
雖然無人替阮安排 將來代志
阮想要來去都市 做著女工渡日子
也通來安慰自己 心內的稀微
請借問路邊的 賣煙阿姐啊
人塊講對面彼間 工廠是不是
貼告是要用人 阮想要來去
我看你猶原不是 幸福的女兒
雖然無人替咱安排 將來代志
在世間總是著要 自己打算才合理
青春是不通耽誤 人生的真義
請借問門頭的 辦公阿伯啊
人塊講這間工廠 有要採用人
阮雖然也少年 攏不知半項
同情我地頭生疏 以外無希望
假使少錢也著忍耐 三冬五冬
為將來為著幸福 甘願受苦來活動
有一天總會得著 心情的輕鬆