心內事無人知，為何無人通了解
不幸的代誌一擺擱一擺
為怎樣命運這呢歹
明知阮是你的人，為何擱去找別人
阮每日為你哭甲目眶紅，甘講你的心祙動
違背阮的心，欺騙阮的情，耽誤著阮的青春
無情的風颱吹著阮的心頭冷
如今一切怨嘆什路用
千不該萬不該對你獻出阮的愛
從今後不再為你流目屎創造自己的將來
------------------------------------------
《一擺閣一擺》Tsi̍t-pái Koh Tsi̍t-pái
趙倍譽Tiō Puē-ū
心內事啥人知
sim-lāi sū siánn-lâng tsai
為何無人通瞭解
uī-hô bô-lâng thang liáu-kái
不幸的代誌
put-hīng ê tāi-tsì
一擺閣一擺
tsi̍t-pái koh tsi̍t-pái
為怎樣
uī-tsuánn-iūnn
命運遮爾歹
miā-ūn tsiah-nī phái
明知阮是你的人
bîng-tsai gún sī lí ê lâng
為何閣去揣別人
uī-hô koh khì tshuē pa̍t-lâng
阮每日為你
gún muí-ji̍t uī lí
哭甲目箍紅
khàu kah ba̍k-khoo âng
敢講你的心袂動
kám-kóng lí ê sim buē tāng
違背阮的心
uî-puē gún ê sim
欺騙阮的情
khi-phiàn gún ê tsîng
耽誤著阮的青春
tam-gōo tio̍h gún ê tshing-tshun
無情的風颱
bô-tsîng ê hong-thai
吹著阮的心頭冷
tshue tio̍h gún ê sim-thâu líng
如今一切
jû-kim it-tshè
怨嘆啥路用
uàn-thàn siánn lōo-īng
千不該萬不該
tshian put-kai bān put-kai
對你獻出阮的愛
tuì lí hiàn-tshut gún ê ài
從今後
tsiông-kim-āu
不再為你流目屎
put-tsài uī lí lâu ba̍k-sái
創造自己的將來
tshòng-tsō tsū-kí ê tsiong-lâi