作词：林阿p
作曲：林阿p
编曲：林阿p 阿科 阿贤 Nicole OuJian
演唱：林阿p Nicole OuJian
我最近有一个梦想
系同朋友五点钟去天光墟
我经已好耐无同朋友出去
而且去一个未去过嘅地区
但我点可能五点就起身出去?
除非我十点钟开始入睡
但香港有无人可以十点钟入睡?
除非喺屋企无端端饮醉
Terence、阿雪、Peter同阿Cza
你哋会陪我去吗?
之后再去饮早茶
你哋都应该会陪我啩
但我最大嘅一个梦想
其实已一早失去
香港都正在死去
我都经已不再唏嘘
这个世界叫人类坚持落去
世界叫穷人奋斗落去
但我净系可以继续喺度
无聊落去
我有一只公仔
两年嚟朝夕相对
我有段日子唔想出街
主要都因为佢
但我最近发现
佢唔再讲嘢食嘢同饮水
而我亦都开始瞓唔著
就算饮到好醉
do do do do do
我谂紧好唔好等到五点钟
然后就去天光墟
我谂紧瞓唔著系咪因为
以前做过一啲事太衰
我起返身开返部机听邓丽君
听佢唱到呢几句：
“不知天上宫阙 今夕是何年
我欲乘风归去‥‥‥”