阿姆斯特丹夜机

My Little Airport( 小机场乐团 )

作词:林阿P
作曲:林阿P
编曲:林阿P、阿科、阿贤、铭铭、夏日浪漫

七月十五号凌晨,第一次去阿姆斯特丹。
我想快啲瞓著,
但两点几嗰阵,
突然有飞机餐食,
全机人都食紧,
好难一个人唔食。

于是我集中精神望窗外面,
当时经过紧个地方,
有好多一条条白色萤光嘅马路,
中间有啲红色点
成个地面得两只色,
好似好科幻咁,喺唔知边度。

我谂起小学有次交功课,
题目系当父母唔俾自己睇电视,
作为子女应该点。
我写“我会看窗外邻家的电视,
虽然没有声音但好过没有得看”
结果班主任叫我对全班读一次,羞辱我。
但佢羞辱唔到我,我细个系无感觉嘅人。

嗰日七月十四号,我先转机去德国再去冰岛,
我饮晒杯好难饮嘅白酒,但都瞓唔著。
呢几年我住厌咗土瓜湾,
有时搭小巴返去,
我特登唔叫落车,
等其他人嗌,我先落车,
睇下会行几远路
有次去到九龙城都未有人落,
我先忍唔住叫有落,
有时除咗买嘢食,
我可以全日唔驶讲嘢。

去完旅行我会搬去深水埗,
深水埗有啲拎住笼雀,
戴住老夫子嘅帽,
好似清朝嘅人。

嗰日七月十四号,
上机前我上咗一阵网,
我已经有爱人,香港无我嘅事。


歌曲:阿姆斯特丹夜机
演唱:My Little Airport( 小机场乐团 )
作词:林阿P
作曲:林阿P