一样米饲百样人

郭大诚

作词:郭林
作曲:郭大诚

《一样米饲百样人》Tsi̍t-iūnn Bí Tshī Pah-siūnn lâng
郭大诚Kueh Tāi-sîng

一样米饲百样人
tsi̍t-iūnn bí tshī pah-siūnn lâng
形形色色在世间
hîng-hîng-sik-sik tsāi sè-kan
有人好额有人散
ū-lâng hó-gia̍h ū-lâng sàn
有人出世心茫茫
ū-lâng tshut-sì sim bâng-bâng
来来听我讲
lâi-lâi thiann guá kóng
毋是我放放
m̄-sī guá hòng-hòng
有人认真拍拼趁
ū-lâng jīn-tsin phah-piànn thàn
有人欲食毋振动
ū-lâng beh tsia̍h m̄ tín-tāng
毋振动
m̄ tín-tāng

↓↓(口白)---(口白)---(口白)↓↓
人讲人生在世是若眠梦
lâng kóng jîn-sing tsāi-sè sī ná bîn-bāng
一样米是饲百样人
tsi̍t-iūnn bí sī tshī pah-siūnn lâng
有人生做真消瘦
ū-lâng senn-tsò tsin siau-sán
不时都咧食补药丸
put-sî to teh tsia̍h póo-io̍h-uân
毋过嘛有彼号小姐人
m̄-koh mā ū hit-lō sió-tsiá-lâng
嫌自己伤丰满
hiâm tsū-kí siunn hong-buán
才来伫咧节食
tsiah lâi tī-leh tsiat-si̍t
枵甲真悽惨
iau kah tsin tshinn-tshám
腹肚是束甲絚絚絚
pak-tóo sī sok kah a̋n-ân-ân
有人真有责任感
ū-lâng tsin ū tsik-jīm-kám
每日认真拍拼趁
muí-ji̍t jīn-tsin phah-piànn thàn
犹嘛有人欲食毋振动
iáu mā ū-lâng beh tsia̍h m̄ tín-tāng
开钱欲阁大范
khai-tsînn beh koh tuā-pān
这种人啊
tsit-tsióng lâng--ah
倾家荡产是紧早慢
khing-ka-tōng-sán sī kín-tsá-bān
有人生做真悲观
ū-lâng senn-tsò tsin pi-kuan
目睭不时吊悬悬
ba̍k-tsiu put-sî tiàu kuân-kuân
忧头结面失恋款
iu-thâu-kat-bīn sit-luân khuán
真是自己咧揣麻烦
tsin sī tsū-kí teh tshē mâ-huân
有人每日心茫茫
ū-lâng muí-ji̍t sim bâng-bâng
到处情丝乱乱放
tò-tshú tsîng-si luān-luān pàng
鸳鸯情索乌白牵
uan-iunn tsîng-soh oo-pe̍h khan
佮人伫咧生死恋
kah lâng tī-leh sinn-sí luân
相招欲跳港
sio-tsio beh thiàu-káng
跳无拄好挵著跤缝
thiàu bô-tú-hó lòng-tio̍h kha-phāng
随时大细声咧叫救人
suî-sî tuā-sè-siann teh kiò kiù-lâng
这种人算来嘛真悽惨
tsit-tsióng lâng sǹg lâi mā tsin tshinn-tshám
人讲一样米是饲百样人
lâng kóng tsi̍t-iūnn bí sī tshī pah-siūnn lâng
形形色色在世间
hîng-hîng-sik-sik tsāi sè-kan
总是做好人称赞
tsóng--sī tsuè-hó lâng tshing-tsán
做歹人怨叹
tsuè-pháinn lâng uàn-thàn
抢人偷人仙毋通
tshiúnn--lâng thau--lâng sian m̄-thang
才袂臭名规世人
tsiah buē tshàu-miâ kui-sì-lâng
↑↑(口白)---(口白)---(口白)↑↑

一样米饲百样人
tsi̍t-iūnn bí tshī pah-siūnn lâng
形形色色在世间
hîng-hîng-sik-sik tsāi sè-kan
人生宛如万花筒
jîn-sing uán-jû bān-hua-tâng
人生宛如一场望
jîn-sing uán-jû tsi̍t-tiûnn bāng
来来听我讲
lâi-lâi thiann guá kóng
毋是我放放
m̄-sī guá hòng-hòng
做人应该爱轻松
tsò-lâng ìng-kai ài khin-sang
才有快乐的希望
tsiah ū khuài-lo̍k ê hi-bāng
的希望
ê hi-bāng


歌曲:一样米饲百样人
演唱:郭大诚
作词:郭林
作曲:郭大诚