作词：郭大诚
作曲：郭大诚
少年放荡做歹子 不知认真通打拼 赌间当店搁常常走 输到厝内是无物件
三餐无米通好吃啦 面店仔也不乎阮赊 我苦 为著借钱搭就走 来找朋友甲亲戚
(啊 大路不敢走 暗暗看搁暗暗听 走到大伯仔彼
大伯仔对阮真讨厌 讲伊嘟好要上车 呀自安尼走去二叔仔彼
二叔仔骂甲大小声 害我见笑拼咧走 自安尼走去三姑仔彼
三姑仔放阮在大厅 假意入房去照镜 我激心走去四婶仔彼
四婶仔送阮到大庭 讲伊无钱通分乞丐 我最后走去五姨仔彼
五姨仔笑阮放荡子 叫阮无钱不会去洞璧
啊 总讲今仔日才知影 无钱的人晟人惊 有钱的人占卡赢
苦劝朋友和弟兄 咱就认真来打拼 认真赚搁俭俭呀吃
有一日咱那好额 大伯仔就来叫要请 二叔仔巴结来送饼
三姑仔拉咧走 四婶仔才甲我拉后领 彼咧时袸的五姨仔若甲我好礼 我嘛会惊)
咱人应该做好子 利用双手来打拼 赌间当店搁不通走 风骚七逃歹名声
咱若认真来打拼 不免三年就好额 喔 无钱的人众人惊 人亲晟搁钱性命
------------------------------------------
《人亲情钱性命》Lâng Tshin-tsiânn Tsînn Sìnn-miā
郭大诚 Kueh Tāi-sîng
少年放荡做歹囝
siàu-liân hòng-tōng tsuè-pháinn-kiánn
毋知认真通拍拼
m̄-tsai jīn-tsin thang phah-piànn
筊间当店阁定定行
kiáu-king tǹg-tiàm koh tiānn-tiānn kiânn
输甲厝内是无物件
su kah tshù-lāi sī bô mi̍h-kiānn
三顿无米通好食
sann-tǹg bô bí thang-hó tsia̍h--lah
面店仔也毋予阮赊
mī-tiàm-á iā m̄ hōo gún sia
我苦
guá khóo
为著借钱
uī-tio̍h tsioh-tsînn
今著行
tann tio̍h kiânn
来去揣朋友佮亲情
la̋i tshē pîng-iú kah tshin-tsiânn
↓↓(口白)---(口白)---(口白)↓↓
唉大路毋敢行
haih tuā-lōo m̄-kánn kiânn
暗暗仔看阁暗暗仔听
àm-àm-á khuànn koh àm-àm-á thiann
行到大伯仔遐
kiânn kàu tuā-peh-á hia
大伯仔对阮真讨厌
tuā-peh-á tuì gún tsin thó-ià
讲伊拄好欲上车
kóng i tú-hó beh tsiūnn-tshia
啊自按呢行去二叔仔遐
ah tsū-án-ne kiânn khì jī-tsik--á hia
二叔仔骂甲大细声
jī-tsik--á mē kah tuā-sé-siann
害我见笑拼咧行
hāi guá kiàn-siàu piànn leh kiânn
自按呢行去三姑仔遐
tsū-án-ne kiânn khì sann-koo--á hia
三姑仔放阮在大厅
sann-koo--á pàng gún tsāi tuā-thiann
假意入房去照镜
ké-ì ji̍p-pâng khì tsiò-kiànn
我激心行去四婶仔遐
guá kik-sim kiânn-khì sì-tsím--á hia
四婶仔送阮到大埕
sì-tsím--á sàng gún kàu tuā-tiânn
讲伊无钱通分乞食
kóng i bô tsînn thang pun khit-tsia̍h
我最后行去五姨仔遐
guá tsuè-āu kiânn-khì gōo-î--á hia
五姨仔笑阮放荡囝
gōo-î--á tshiò gún hòng-tōng-kiánn
叫阮无钱袂晓去撞壁
kiò gún bô-tsînn bē-hiáu khì tōng-piah
啊总讲今仔日才知影
ah! tsóng-kóng kin-á-ji̍t tsiah tsai-iánn
无钱的人晟人惊
bô tsînn ê lâng tshiânn-lâng-kiann
有钱的人占较赢
ū-tsînn ê lâng tsiàm khah iânn
苦劝朋友佮弟兄
khóo-khǹg pîng-iú kah tē-hiann
咱著认真来拍拼
lán tio̍h jīn-tsin lâi phah-piànn
认真趁阁俭俭仔食
jīn-tsin thàn koh khiām-khiām-á tsia̍h
有一日咱若好额
ū-tsi̍t-ji̍t lán nā hó-gia̍h
大伯仔就来叫欲请
tuā-peh--á tiō lâi kiò beh tshiánn
二叔仔巴结来送饼
jī-tsik--á pa-kiat lâi sàng piánn
三姑仔搝咧行
sann-koo--á giú leh kiânn
四婶仔才共我搝后领
sì-tsím--á tsiah kā guá giú āu-niá
彼个时阵的五姨仔
hit-ê sî-tsūn ê gōo-î--á
若共我好礼
nā kā guá hó-lé
我嘛会惊
guá mā ē kiann
↑↑(口白)---(口白)---(口白)↑↑
咱人应该做好囝
lán-lâng ìng-kai tsuè hó-kiánn
利用双手来拍拼
lī-iōng siang-tshiú lâi phah-piànn
筊间当店阁毋通行
kiáu-king tǹg-tiàm koh m̄-thang kiânn
风骚𨑨迌歹名声
hong-so thit-thô pháinn miâ-siann
咱若认真来拍拼
lán nā jīn-tsin lâi phah-piànn
毋免三年就好额
m̄-bián sann-nî tiō hó-gia̍h
喔无钱的人众人惊
ooh~ bô-tsînn ê lâng tsìng-lâng kiann
人亲情
lâng tshin-tsiânn
阁钱性命
koh tsînn sìnn-miā