作词：郭大诚
作曲：郭大诚
彼个姑娘惦在百果山，果子园内无人通作伴，行到山仑来唱歌，
遇到我呀刚好遇到我，双人眼睛金金看 亲像电火相打线。
口白:
在桃仔来李仔去的四月初四，我去百果山挽果子，
在椰子树脚忽然来熟悉妳才知道妳姓杨名桃，
杨桃就是妳的名字，彼当时妳穿一领柑仔色的短裙，
和柳丁色的上衣，两边嘴皮像红柿，眼睛像那龙眼子，
樱桃嘴莲雾鼻让我一见钟情每日都在怀念妳，
从此我献给妳的爱情就带有苹果柠檬的酸甘味，
也带有凤梨西瓜梨仔木瓜和枇杷的综合果汁的气味，
我爱妳的坚心是可比芒果子和橄榄子永远硬梆梆不会软若去，
我也知道妳真爱吃果子，酸梅枣子一次吃斤二，
那香蕉一次都吃归脾，假使妳若看我有甲意，
我绝对果子欲来种种归厝边，无论是释枷蕃茄茄子脆柿葡萄荔枝，
保证让妳吃到欢欢喜喜为止，这样妳若听了有甲意，
才请妳写信和我通知
妳我双人相逢百果山，请妳答应我来甲妳娶，无论春暖秋叶寒，
来呀来嫁我，来呀来嫁我，我来作田妳作伴，卡好富贵做大官。
------------------------------------------
《百果山之恋》Pah-kó-suann tsi Luân
郭大诚Kueh Tāi-sîng
彼个姑娘踮在半高山
hit ê koo-niû tiàm-tsāi puànn ko-suann
果子园内无人通做伴
kué-tsí-hn̂g lāi bô-lâng thang tsò-phuānn
行到山仑来唱歌
kiânn kàu suann-lūn lâi tshiùnn-kua
拄仔拄着我啊拄仔拄着我
tú-á tú-tio̍h guá--ah tú-á tú-tio̍h guá
双人目睭金金看
siang-lâng ba̍k-tsiu kim-kim-khuànn
亲像电火相拍线
tshin-tshiūnn tiān-hué sio-phah-suànn
↓↓(口白)---(口白)---(口白)↓↓
在桃仔来李仔去的四月初四
tsāi thô-á lâi lí-á khì ê sì-gue̍h tshe-sì
我去百果山挽果子
guá khì Pah-kó-suann bán kué-tsí
在椰子树跤
tsāi iâ-tsí-tshiū kha
忽然间来熟似你
hut-jiân-kan lâi si̍k-sāi lí
才知影你姓杨名桃
tsiah tsai-iánn lí sìnn Iûnn miâ Thô
杨桃就是你的名字
Iûnn Thô tiō-sī lí ê miâ-jī
彼当时你穿一领
hit-tong-sî lí tshīng tsi̍t-niá
柑仔色的短裙
kam-á-sik ê té-kûn
佮柳丁色的上衣
kah liú-ting-sik ê siōng-i
两爿喙䫌是敢若红柿
nn̄g-pîng tshuì-phé sī kán-ná âng-khī
目睭阁敢若龙眼子
ba̍k-tsiu koh kán-ná lîng-gíng-tsí
樱桃喙莲雾鼻
ing-thô tshuì lián-bū phīnn
予我一见钟情
hōo guá it-kiàn tsiong-tsîng
每日都咧怀念你
muí-ji̍t to leh huâi-liām lí
自按呢我献予你的爱情
tsū-án-ne guá hiàn hōo lí ê ài-tsîng
就带有苹果佮柠檬的酸甘味
tsiū tuà ū phōng-kó kah lê-bóng ê sng-kam-bī
也带有王梨西瓜梨仔木瓜
iā tuà ū ông-lâi si-kue lâi-á bo̍k-kue
佮枇杷的综合果汁的气味
kah gî-pê ê tsong-ha̍p kó-tsiap ê khì-bī
我爱你的坚心
guá ài lí ê kian-sim
是可比檨仔子佮草橄仔子
sī khó-pí suāinn-á-tsí kah tshò-kan-á-tsí
永远𠕇硞硞袂软落去
íng-uán tīng-khong-khong buē nńg--lo̍h-khì
我我也知影你真爱食果子
guá guá iā tsai-iánn lí tsin ài tsia̍h kué-tsí
酸梅仔枣仔一摆食斤二
sng-muî-á tsó-á tsi̍t-pái tsia̍h kin-jī
啊若弓蕉一摆拢食规枇
ah-nā king-tsio tsi̍t-pái lóng tsia̍h kui-pî
假使你若看我有佮意
ká-sú lí nā khuànn guá ū kah-ì
我绝对
guá tsua̍t-tuì
果子欲来种种规厝边
kué-tsí beh lâi tsìng-tsìng kui tshù-pinn
无论是讲释迦柑仔蜜
bô-lūn sī kóng sik-khia kam-á-bi̍t
摇枝脆柿葡萄荔枝
iô-ki tshè-kī pô-tô nāi-tsi
保证予你食甲
pó-tsìng hōo lí tsia̍h kah
欢欢喜喜为止
huann-huann-hí-hí uî-tsí
按呢你若听了有佮意
án-ne lí nā thiann-liáu ū kah-ì
才请你写批共我通知
tsiah tshiánn lí siá-phue kā guá thong-ti
↑↑(口白)---(口白)---(口白)↑↑
你我两人相逢百果山
lí guá nn̄g-lâng siong-hông Pah-kó-suann
请你答应我来共你娶
tshiánn lí tah-ìng guá lâi kā lí tshuā
无论春暖秋叶寒
bô-lūn tshun luán tshiu-hio̍h kuânn
来啊来嫁我啊
lâi--ah lâi kè guá--ah
来啊来嫁我
lâi--ah lâi kè guá
我来做田你做伴
guá lâi tsò-tshân lí tsò-phuānn
较好富贵做大官
khah-hó hù-kuì tsò tūa-kuann