10913/《人情留一线》Jîn-tsîng Lâu Tsi̍t-suànn
良一Liông-it
人生途径
jîn-sing tôo-kìng
亲像咧驶车
tshin-tshiūnn teh sái-tshia
路头走远
lōo-thâu tsáu hn̄g
油添满
iû thinn muá
人毋通乐爽
lâng m̄-thang lo̍k-sóng
贫惰喝袂行
pîn-tuānn huah buē kiânn
好脚数趁少年
hó kioh-siàu thàn siàu-liân
紧拍拼
kín phah-piànn
莫阁再激外外
mài koh-tsài kik-guā-guā
有钱有势来展奢华
ū-tsînn ū-sè lâi tián tshia-huâ
仁义佮伦理
jîn-gī kah lûn-lí
路口假无看
lōo-kháu ké bô khuànn
人情留一线
jîn-tsîng lâu tsi̍t-suànn
日后好相看
ji̍t-āu hó sio-khuànn
莫数想遐齐匀
mài siàu-siūnn hiah tsiâu-ûn
定定真快活
tiānn-tiānn tsin khuìnn-ua̍h
好天爱累积雨来粮干
hó-thinn ài luí-tsik hōo lâi niû-kuann
做人的腹肠
tsuè-lâng ê pak-tn̂g
犹原著阔
iu-guân tio̍h khuah
千两银毋值四两命
tshian-niú gîn m̄-ta̍t sì-niú miā
红龟咸菜馅
âng-ku kiâm-tshài ānn