《兄弟》Hiann-tī
黄一飞N̂g It-hui
喵喵组合Miau-miau Tsoo-ha̍p
加话减讲免囉嗦
ke-uē kiám kóng bián lo-so
咱做朋友著讲道义
lán tsuè pêng-iú tio̍h kóng tō-gī
费气的代志莫计较
huī-khì ê tāi-tsì mài kè-kàu
我看感情是真重要
guá khuànn kám-tsêng sī tsin tiōng-iàu
若欲讲钱我无偌济
nā beh kóng tsînn guá bô guā-tsuē
真心兄弟我有真济
tsin-sim hiann-tī guá ū tsin tsuē
身边有恁来做伙
sin-pinn ū lín lâi tsò-hué
今生今世无后悔
kim-seng kim-sè bô hiō-hué
做朋友啊做兄弟
tsuè pêng-iú--ah tsuè hiann-tī
毋免白纸写乌字
m̄-bián pe̍h-tsuá siá oo-jī
你有情我有义
lí ū tsîng guá ū gī
毋免看命算八字
m̄-bián khuànn-miā sǹg pueh-jī
做朋友啊做兄弟
tsuè pêng-iú--ah tsuè hiann-tī
毋免客气免做戏
m̄-bián kheh-khì bián tsò-hì
你有心事我来听
lí ū sim-sū guá lâi thiann
你有困难咱做阵担
lí ū khùn-lân lán tsuè-tīn tann