作词：纪淑玲
作曲：纪淑玲
[口白]
即条溪仔水 就伫ｅ路边 即条路 弯来弯去
每一工导护老师送囝仔转去 一边行 一边开
讲 一边行 一边听水声
有通时仔 合会冻看着田蠳咧点水
卡烧热ｅ时阵 山顶ｅ狗仔 就跳入去泅水
放假ｅ时阵 囝仔走来那条溪摸蚋仔
溪仔水 是每一个人ｅ朋友
1990年12月 即条溪 盖起来做路....
一个人ｅ心 会冻收留外济悲伤
溪仔水ｅ消失 是我永远ｅ哀愁
彼一年ｅ热天 风飞来鹅尾山边
溪仔水甲伊走相避 弯弯斡斡真欢喜
彼一年ｅ秋天 风飞来鹅尾山边
溪仔水甲伊臆猜谜 一句一句笑微微
彼一年ｅ冬天 风飞来鹅尾山边
溪仔水无知叼位去 黑色ｅ点仔胶惦惦无敢讲起
田蠳田蠳溪水叼位去 田蠳田蠳溪水叼位去
田蠳田蠳溪水叼位去 溪水叼位去
田蠳田蠳溪水叼位去 溪水叼位去
彼一年ｅ春天 风飞来鹅尾山边
溪仔水永远消失 伤心ｅ风远远离去