作词：林暐哲
作曲：林暐哲
熟似你的头一句话 你敢嘛会记得
袂记得嘛无要紧 我较袂歹势(毋过我阁会记得)
彼阵你是绑马尾 无像这马铰短短
彼阵你穿白马靴 彼双这马敢犹有伫咧
初初看着你 心内拢无准备
煞毋敢佮你讲半句话
若无天公伯仔 共咱做机会
我哪有彼号胆 敢讲出彼句话
咱熟似伫啥物所在 我雄雄袂记咧
袂记得就袂记咧 咱毋通阁冤家(我敢若会记得)
彼阵你拢笑微微 无像这马定定无欢喜
彼阵大大小项拢真甜 渐渐才知影生活的滋味
逐工看着你 抹粉阁点胭脂
煞毋知欲佮你讲啥物话
若是天公伯仔 刁工来创治
咱嘛毋通阁怨叹 日子会较好过
------------------------------------------
《彼句话》Hit Kù Uē
Baboo乐团
熟似你的头一句话
si̍k-sāi lí ê thâu tsi̍t-kù uē
你敢犹会记得
lí kám iáu ē-kì-eh
袂记得嘛无要紧
buē-kì-eh mā bô-iàu-kín
我较袂歹势
guá khah buē pháinn-sè
(犹毋过我阁会记得)
(iáu-m̄-koh guá koh ē-kì-eh)
彼阵你是绑马尾
hit-tsūn lí sī bǎngmǎwěi
无像这马铰短短
bô tshiūnn tsit-má ka té-té
彼阵你穿白马靴
hit-tsūn lí tshīng pe̍h mǎxuē
彼双这马敢犹有伫咧
hit siang tsit-má kám iáu ū tī--eh
初初看着你
tshoo-tshoo khuànn tio̍h lí
心内拢无准备
sim-lāi lóng bô tsún-pī
煞毋敢佮你讲半句话
suah m̄-kánn kah lí kóng puànn-kù uē
若无天公伯仔
nā bô thinn-kong-peh--á
共咱做机会
kā lán tsò ki-huē
我哪有彼号胆
guá ná ū hit-lō tánn
敢讲出彼句话
kánn kóng-tshut hit kù uē
咱熟似伫啥物所在
lán si̍k-sāi tī siánn-mi̍h sóo-tsāi
我雄雄袂记得
guá hiông-hiông buē-kì-eh
袂记得就袂记得
buē-kì-eh tō buē-kì-eh
咱毋通阁冤家
lán m̄-thang koh uan-ke
(我干焦会记得)
(guá kan-ná ē-kì-eh)
彼阵你拢笑咪咪
hit-tsūn lí lóng tshiò bi-bi
无像这马定定无欢喜
bô tshiūnn tsit-má tiānn-tiānn bô huann-hí
彼阵大大细项拢真甜
hit-tsūn tuā-tuā-sè-hāng lóng tsin tinn
渐渐才知影生活的滋味
tsiām-tsiām tsiah tsai-iánn sing-ua̍h ê tsu-bī
逐工看着你
ta̍k-kang khuànn tio̍h lí
抹粉阁点胭脂
buah-hún koh tiám ian-tsi
煞毋知欲佮你讲啥物话
suah m̄-tsai beh kah lí kóng siánn-mi̍h uē
若是天公伯仔
nā-sī thinn-kong-peh--á
刁工来创治
thiau-kang lâi tshòng-tī
咱嘛毋通阁怨叹
lán mā m̄-thang koh uàn-thàn
日子会较好过
ji̍t-tsí ē khah hó-kuè