作词：萧泽伦
作曲：萧泽伦
我做一个银河梦，欲来对你讲，
天边的大水淌，像妈妈的白头鬃，
离开的彼一暗，新娘的目箍红，
为着生活船出港，欲来做都市人。
经过几十冬，阿娘伊双手放，
满山花蕊失清香，人去楼也空，
归山全铁铜，溪水拢污染，
梦中惊醒双头空，阮无爱做都市人。
简简单单一世人，咱来做银河梦，
袜仔寮溪边咱斗相工，幸福好希望；
简简单单一世人，咱来做银河梦，
袜仔寮溪边有花红红，感谢天斗帮忙。
我做一个银河梦，欲来对你讲，
满山野花芳，彩蝶作媒人，
水蛙啾啾叫，人客惴一跳，
你我看破红尘梦，甘愿来做傻人。