我是一颗星(kala版)

陈淑萍( Tân Siok-phêng )

11582/《我是一粒星》Guá Sī Tsi̍t-lia̍p Tshinn
陈淑萍Tân Siok-phîng

我是一粒星
guá sī tsi̍t-lia̍p tshinn
虽然揣无阮的天
sui-jiân tshuē-bô gún ê thinn
但是有勇气
tān-sī ū ióng-khì
毋愿性命变枉费
m̄-guān sìnn-miā piàn óng-huì
阮像一粒沙
gún tshiūnn tsi̍t-lia̍p sua
虽然犹原是爸母生
sui-jiân iu-guân sī pē-bú sinn
毋是人故意
m̄-sī lâng kòo-ì
只恨天公来创治
tsí hūn thinn-kong lâi tshòng-tī

我的这口气
guá ê tsit kháu khuì
虽然比人毋值钱
sui-jiân pí lâng m̄ ta̍t-tsînn
望恁会了解
bāng lín ē liáu-kái
无怨是阮的记志
bô-uàn sī gún ê kì-tsì
我的人生路
guá ê jîn-sing lōo
总是袂当佮人比
tsóng-sī buē-tàng kah lâng pí
毋愿对不起
m̄-guān tuì-put-khí
无恨爸母的伤心泪
bô hūn pē-bú ê siong-sim luī

我是一粒星
guá sī tsi̍t-lia̍p tshinn
我是一粒星
guá sī tsi̍t-lia̍p tshinn
虽然坠落的所在
sui-jiân tuī-lo̍h ê sóo-tsāi
毋是温暖的世界
m̄-sī un-luán ê sè-kài
犹原会勇敢活落去
iu-guân ē ióng-kám ua̍h--lo̍h-khì

我是一粒星
guá sī tsi̍t-lia̍p tshinn
我是一粒星
guá sī tsi̍t-lia̍p tshinn
虽然坠落的人海
sui-jiân tuī-lo̍h ê jîn-hái
予我心头冷吱吱
hōo guá sim-thâu líng-ki-ki
希望犹原
hi-bāng iu-guân
会看见阮闪烁
ē khuànn-kìnn gún siám-sih


歌曲:我是一颗星(kala版)
演唱:陈淑萍( Tân Siok-phêng )