作词：郑国江
编曲：麦皓轮
我恨做名歌星 想食开口饭
得闲入洗手间 唱吓中慢板
出名浴室歌王 唔系牙斩斩
会唱又会弹 结他又会玩
唱法劲 我生生猛猛
演科骚 歌星够劲形象够盏
唱过埠 美金一担担
不识悭 玩赌博直情累到我惨 输光于一晚
唔做新潮歌手 转行做唱家班
学人唱二簧 又学人数白榄
一曲入歌坛 咪话我唔够胆
为咗搏两餐 我死都唱返生
搏到尽 唱笃笃撑撑
一开声 手掌拍烂人话我盏
够煞食 唱多三两晚
贪好玩 烟酒太劲惩罚太过惨 失声于一旦
有个蒙查班主 揾我做落乡班
唔系做文武生 又唔系做花旦
开套武松打虎 做小武我最啱
点知佢揾我扮老虎 佢贪我会打大翻
搏晒命 老虎仔咁猛
打觔斗 花式变幻人又够胆
挞到直 我死都要撑
摊摊腰 腰骨挞直人亦挞到散
收科于一旦