作词：郭之仪
作曲：郭之仪
编曲：邓易万
你的心肝 呒通搁讲你爱我
阮的心肝 已经是乎你骗甲惊
这款生活 阮过甲提心吊胆
为你牺牲 麻得无人疼
你的被单 有一张谁的批纸
你眠床脚 有一双别人的浅拖
纯情的你 欲哪会变甲这呢可怕
你对阮要怎样解释啦
别人的爱放心肝 将阮的爱赶出门口埕
声声句句讲你尚爱我
伤心的泪擦乎干 伤心的话甭搁讲啦
感情搏到这 请你走啦
------------------------------------------
《伤心泪》Siong-sim-luī
孙淑媚Sun Siok-bī
你的心肝
lí ê sim-kuann
毋通阁讲你爱我
m̄-thang koh kóng lí ài guá
阮的心肝
gún ê sim-kuann
已经是予你骗甲惊
í-king sī hōo lí phiàn kah kiann
这款生活
tsit khuán sing-ua̍h
阮过甲提心吊胆
gún kuè kah thê-sim tiàu-tánn
为你牺牲
uī lí hi-sing
嘛得无人疼
mā tit bô-lâng thiànn
你的被单
lí ê phuē-tuann
有一张谁的批纸
ū tsi̍t-tiunn siáng ê phue-tsuá
你眠床跤
lí bîn-tshn̂g-kha
有一双别人的浅拖
ū tsi̍t-siang pa̍t-lâng ê tshián-thua
纯情的你
sûn-tsîng ê lí
欲哪会变甲遮尔可怕
beh-ná-ē piàn kah tsiah-nī khó-phà
你对阮欲怎样解说啦
lí tuì gún beh tsuánn-iūnn kái-sueh--lah
别人的爱囥心肝
pa̍t-lâng ê ài khǹg sim-kuann
将阮的爱赶出门口埕
tsiong gún ê ài kuánn tshut mn̂g-kháu-tiânn
声声句句讲你上爱我
siann-siann-kù-kù kóng lí siōng ài guá
伤心的泪拭予焦
siong-sim ê luī tshit hōo ta
伤心的话莫阁讲啦
siong-sim ê uē mài koh kóng--lah
感情跋到遮
kám-tsîng pua̍h kàu tsia
请你走啦
tshiánn lí tsáu--lah