在港边 看天星 不觉想起
彼当时 咱分离 酸苦情味
虽然已经断了情 不愿再缠绵
趁深更 弹吉他 安慰稀微
海风冷吱吱 啊 引阮心又悲
看港边 青红灯 暗淡未清
是茫雾 耽误妳 失了光明
不是我来误了情 是咱的薄命
再想起 已经是 无什路用
吉他弹无停 啊 热泪滴胸前
------------------------------------------
《港边的吉他》Káng-pinn ê Gì-tah
洪一峰Âng It-hong
在港边看天星
tsāi káng-pinn khuànn thinn-tshinn
不觉想起彼当时
put-kak siūnn-khí hit-tang-sî
咱分离酸苦情味
lán hun-lî sng-khóo-tsîng bī
虽然已经断了情
sui-jiân í-king tuān liáu tsîng
毋愿再缠绵
m̄-guān tsài tînn-mî
趁深更弹吉他
thàn tshim-kinn tuânn gì-tah
安慰稀微
an-uì hi-bî
海风冷吱吱
hái-hong líng-ki-ki
啊~引阮心又悲
ah~ ín gún sim iū pi
看港边青红灯
khuànn káng-pinn tshinn-âng-ting
暗淡袂清
àm-tām buē tshing
是雺雾耽误你
sī bông-bū tam-gōo lí
失了光明
sit liáu kong-bîng
毋是我来误了情
m̄-sī guá lâi gōo liáu tsîng
是咱的薄命
sī lán ê po̍k-bīng
再想起
tsài siūnn-khí
已经是无啥路用
í-king sī bô siánn lōo-īng
吉他弹无停
gì-tah tuânn bô thîng
啊~热泪滴胸前
ah~ jia̍t-luī tih hing-tsîng