古怪少年家

洪一峰( Ang It Hing )

14512/《古怪少年家》Kóo-kuài Siàu-liân-ke
洪一峰Âng It-hong

有一个古怪少年家
ū tsi̍t-ê kóo-kuài siàu-liân-ke
看起来
khuànn--khí-lâi
岁头无偌济
hè-thâu bô guā-tsuē
红领带
âng niá-tuà
结甲真好势
kat kah tsin hó-sè
是啥人好子弟
sī siánn-lâng hó tsú-tē
伊对姑娘真痴迷
i tuì koo-niû tsin tshi-bê
每日酒家一直踅
muí-ji̍t tsiú-ka it-ti̍t se̍h

有一个古怪少年家
ū tsi̍t-ê kóo-kuài siàu-liân-ke
想起来
siūnn--khí-lâi
实在真笑诙
si̍t-tsāi tsin tshiò-khe
踮街路看人
tiàm ke-lōo khuànn-lâng
像赏花
tshiūnn siúnn-hue
用目睭咧讲话
iōng ba̍k-tsiu teh kóng-uē
人人讲伊是一个
lâng-lâng kóng i sī tsi̍t-ê
歪喙想欲食龙虾
uai-tshuì siūnn-beh tsia̍h liông-hê

有一个古怪少年家
ū tsi̍t-ê kóo-kuài siàu-liân-ke
看外型
khuànn guā-hîng
穿甲真整齐
tshīng kah tsin tsíng-tsuê
看态度有较欠人格
khuànn thāi-tōo ū khah khiàm jîn-keh
是啥人好子弟
sī siánn-lâng hó tsú-tē
伊对姑娘有痴迷
i tuì koo-niû ū tshi-bê
可惜无人欲奉陪
khó-sioh bô-lâng beh hōng-puê

有一个古怪少年家
ū tsi̍t-ê kóo-kuài siàu-liân-ke
讲起来
kóng--khí-lâi
逐项伊都会
ta̍k hāng i to ē
𠢕吹牛画天又画地
gâu tshe-gû uē thinn iū uē tē
论正经无好势
lūn tsìng-king bô hó-sè
人人讲伊是一个
lâng-lâng kóng i sī tsi̍t-ê
歪喙想欲食龙虾
uai-tshuì siūnn-beh tsia̍h liông-hê


歌曲:古怪少年家
演唱:洪一峰( Ang It Hing )