作词：黄品源
作曲：黄品源
想起当初 不应该行毋对路 阮的心底这条路 一直咧下雨
谁人会冻知 好天东时会来 苦苦的等待 目屎吞腹肚内
过去的梦 不应该放在心肝内 你离开阮的将来 未冻来安排
谁人会冻知 好天东时会来 苦苦的等待 心爱的你倒转来
啊 心内只有你一人 永远拢共款
庄脚的田岸仔路 伴我孤单的思慕
永远 永远拢共款
---------------------------------------------------
《永远拢仝款》Íng-uán Lóng Kāng-khuán
黄品源N̂g Phín-guân
想起当初
siūnn-khí tong-tshoo
不应该行毋著路
put ìng-kai kiânn m̄-tio̍h lōo
阮的心伫这条路
gún ê sim tī tsit tiâu lōo
一直咧落雨
it-ti̍t leh lo̍h-hōo
啥人会当知
siánn-lâng ē-tàng tsai
好天当时会来
hó-thinn tang-sî ē lâi
苦苦的等待
khóo-khóo ê tán-thāi
目屎吞腹肚内
ba̍k-sái thun pak-tóo-lāi
过去的梦
kuè-khì ê bāng
不应该囥踮心肝内
put ìng-kai khǹg tàm sim-kuann-lāi
你离开阮的将来
lí lī-khui gún ê tsiong-lâi
袂当来安排
buē-tàng lâi an-pâi
啥人会当知
siánn-lâng ē-tàng tsai
好天当时会来
hó-thinn tang-sî ē lâi
苦苦的等待
khóo-khóo ê tán-thāi
心爱的你倒转来
sim-ài--ê lí tò-tńg--lâi
啊~心内只有你一人
ah~ sim-lāi tsí-ū lí tsi̍t-lâng
永远拢仝款
íng-uán lóng kāng-khuán
庄跤的田岸仔路
tsng-kha ê tshân-huānn-á-lōo
伴我孤单的思慕
phuānn guá koo-tuann ê su-bōo
永远
íng-uán
永远拢仝款
íng-uán lóng kāng-khuán