打情骂俏

尹光( Jackson Wan Kwong )

作词:佚名
作曲:古曲

(喂老婆 去边度嚟呀)
(嗯 唔好讲嘞 打咗八圈麻雀 食咗铺鸡糊咋)
(离晒谱㗎 成日顾住打牌 个老公放工返嚟呀
想话饮啖茶 个茶壶一滴茶都无呀)
(无茶你咪饮汽水囉 哎吔再唔系就拔兰地嘞)
(喂你嫁咗人㗎咯㖞)
(嫁咗同未嫁有咩分别啫)
(有天壤之别 你未嫁之前值万八 嫁咗之后值毫八㗎咋)
(哎吔 咁你即系踩我咯噃)
(踩你又点呀 我打你都得呀)
(你够胆吖嗱)

你想讲恶我实唔怕 岂愿无端遭责骂
你知否女人责任要管家 家中功夫懒做太过差
我口干睇吓个茶壶 完全未有茶

哎三家缺一我实要打啦
喔 打咗八圈你仲要打
咁我未曾食过半舖满糊 我实要打定啦
唉唔系我立乱将你话 家务抛开去打牌
你应该遭责骂囉

唔忿气任你将我骂 我难作罢
要我受气听你话
嘻嘻 好话
岂能容让 我唔顺气点下
你乱咁讲说话 嗱我又再打多八圈㗎

你莫再沉迷落去 家务完全唔愿挂
点算系沉迷落去 只系大众娱乐吓 又唔系赌狗马

(都唔啱啫)

你当系皇爷咁大晒 令我笑跌棚牙
我哋成伴侣共订佳话 应要互助互爱相关心
才算是好对象 既是名份已订下
创造个好家庭 你应份 以家庭为上 个人就当等下囉
我父母有家财 点会日日去挨骂 又点会夜夜去挨骂
你唔愿顾家至有人话
本小姐钟意 你无权任意查

(唔系话查你 问吓都唔得咩)
(问都唔得呀)
(呀老婆 算我唔啱唔着嘞 而家鬼咁肚饿
夹手夹脚入去煮饭食嘞)
(唔煮 出街食囉)
(哗出街食 我打工㗎咋边有咁多钱畀呀)
(而家边个叫你畀钱啫 我外家大把钱呀)
(喂 你外家有钱你外家嘅事
男儿膝下有黄金呀 我唔用你外家嘅钱嘅)

恃住有啲家财 有啲声架 就咪出嫁
你咪出声 冇人会话你哑㗎
你语语咁相逼 我气点下
我系财主女噃

(乞嚏)

我不听寒酸话
喂你入得我门 便成我家下
你就要听我话 不讲金钱
金钱难道你唔重视 你做个小职员 我不过为爱甘心嫁咋
既系挨穷愿意跟我 咁就唔该你去煲茶


歌曲:打情骂俏
演唱:尹光( Jackson Wan Kwong )
作词:佚名
作曲:古曲