作词：吕明光
作曲：古曲
(啦啦朋友赌马嘅贴士呢
个个都话有 多数系山埃嚟嘅
我就唔同呀 我唔信人㗎
赌马靠自己 马经我日日刨)
专心读马经 拣几只落番注嘞
买马就讲经验 级数呀讲班次
贴士教我 多加里 告东尼 冷就要吼住佢噃
披士夹独赢 彩雀搭春风得意
中就和味囉 呢一次
(唔好话赢多少就缩沙
应该搏一搏 过三关
中咗呀 想穷都几难呀)
再揾三关去落注 有心得丰收 轮骑步如飞
冷门呀有只更威 好掂话搏杀唔难事
马房动态 话小心啲马 最惊有个郑棣池
池阿哥今朝出马话要威多次
再出喜宝佢有用意㗎
买马专家 嗱有阵真劳气㗎
时时落重呀飞 时常为马会铺草呀皮
想煲返一只热门 唔赢就确系奇
仆街衰马系要跑第四
嗱爆冷时又无补返飞
孖Q输到落尾 三关输到落尾
死啦 要想刀仔锯大树 又唔利
跌熟贴士跌熟贴士信就肥 系咁买 以为系咁中
呵 原来人地
人实会行运 今朝输晒望搏返下次
买马开心事 输咗莫觉失意
娱乐吓 咪贪胜不知输
嗱 最棹忌你迷落去 正经嘢 都好少理
当做赢实 盏害你
咪将生活费 都拎去充赌注