作词：吕明光
作曲：古曲
(讲到赌十三张 唔系话认老资格
摆牌要够灵机 拆牌要有善法
嗱譬如揸住粒粒夫 最大烟夫都要擘
如果摆得无啤花 当然摆个战斗格
就算无头一啤蛇 随时可以格食格 格食格
唔信呀 我有铺咁嘅啵)
无头一啤蛇 嗱头门揸三轮车㖞哈哈
但系我嗰一啤系烟一啤 先杀咗一家渣嘢啦
对家原来系五啤 呢佢拆开摆过两条蛇
但系要得蛇嚟就无啤 咁就变咗无蛇蛇
系赌仔都摆五啤啦 咁就赢头赢二我梗谢
因为五啤格随时 食晒充头
同时食晒粒啤花 就算粒啤夫 都通通企歪
我赢绝唔系靠好运
呢嗱确非胡言乱咁车
格食格原来真嘅
原来尾家都无头 二度得King一啤啫哈哈
尾度积夫佬当佢茄喱啡 杀得真好嘢啦
(喂喂喂朋友 讲到赌钱最容易出术系乜嘢呢
十三张 所以赌钱一定要眉精眼企
有朝一日遇到老千
千祈唔好执人哋手照呀
借头借路就掹)
喂喂好赌提防遇老千 因为老千手法系最邪
佢有班头人系恶爷 怕你马精亦会任人骑
佢哋专将猫尾扯 嗱同行能用眼一射
你知佢明明 系靠呃人
唔能话佢出千 未有执到他的手照无得er
你要明白人哋靠揾食囉 睇到势色唔同就快扯啦
免做肥羊明濑嘢