张文绮 > 莫阁笑我憨 > 爱拆一半

爱拆一半

作词:张欣瑜
作曲:林佳玲
编曲:丁天牧

若是心疼规气目屎赶紧流予焦
明仔载予日头将伤心曝焦
若是无缘规气剪断咱的感情线
茫茫情海毋免你来相依倚

若是看破规气坚强越头家己行
何必阁再留恋等你来孤晟
女人的真珠泪毋是璇石通交换
阵阵冷风提醒阮面对孤单

爱拆一半心也破碎 放手分开行
想起咱的过去 有五分苦涩
爱拆一半祝你幸福 无输也无赢
情份藏伫心肝 留五分感谢

爱拆一半往事破碎 放手分开行
虽然犹原思念 䞐五分牵挂
爱拆一半还你咒誓 免计较输赢
阮会揣著彼半 代替你爱我

OP:时代创艺企业有限公司

【注】
真珠:珍珠,音tsin-tsu
璇石:钻石,音suān-tsio̍h