妇女新知(2001)

莫文蔚( Karen Mok )

作词:黄伟文
作曲:蔡一智
编曲:Chinese(For Double C Music Group)

我系一个发育健全既女人 需要各种营养既平衡
男人 新衫 现全(加)约会 零食 珠宝 护肤品
运动 工作 交友(再)旅行 购物 娱乐 见男人
Sorry Sorry 我系咪数左两次“男人”?
虽然系咁 爱情我都未算好着紧
(我吃 我恋上热量)

今日我黎教大家整甜品
首先用滚水冲开Expresso 粉
再摆D Lady Fingers(饼干)落去 浸到“林”
另一方面 将d蛋白搅一阵
起泡就加dKalua 再搅匀
最后两样倒埋一齐整到一层层
恭喜你 咁就完成左个 Tiramisu
一个世界驰名既意大利甜品

你系一个发育健全既女人
所以呢个时候你有野想问
无端端 整甜品 系咪手痕
抑或教你两招等你'乙水'情人
Sorry Sorry 各位等等
女人最好既野唔一定要同男人分
整个甜品 锡下自己当奖品
边个话爱黎留住佢个心
(我买 我拥有力量 让心愿能偿)

有时返到屋企都觉得有d晕
因为买到成屋杂物无“订”趸
于是惟有出街Shopping 散散心
这就是(我们)购物狂的命运(唸诗咁声)

你问我做乜买左六条一样既裙
你当我无用脑 其实我都有谂
漆皮真丝 横纹直纹 长裙短裙迷你裙
绑带拖鞋 平底高跟 唇膏胭脂干湿粉
翻炒 再翻炒 系我既一生
只得舖头永远 有新到货品
小学都有教 人类系一个社群
要相亲相爱 咁先够高等
既然平时唔准独断独行 唯一呢个时候
我觉得唔驶靠人
唯一呢个时候 我可以全权负责任
唯一呢个时候 我真正凭良心

(我吃 我恋上热量 幸福又平常
谁又说 没理想 我买 我拥有力量...)
(唔该 excuse me 可唔可以罗果件大褛俾我睇下
Sorry 唔系呢件 系隔离有草莓同Cream
系上面果件 thank you
唔系呢件 系隔离有草莓同Cream
系上面果件...)

我系一个发育健全既女人
有乜伤心 自己识得做医生
以前有事只系可以唸经文
而家仲有三个字:食、买、训
买得多左最多忍一阵 食得多左去Gym 修下身
只系担心训得太多有空虚感
忽然好想身边有个人

(我吃 我恋上热量 幸福又平常
谁又说 没理想 我买 我拥有力量
让心愿能偿 付账令我舒畅)

我系一个发育健全既女人 不过有时失惊无神发炆憎
以下呢句 你当我怕鬼拍后尾枕
我有时会谂:系咪真系要揾返个男人?
男人...唉~(唉气)唉~


歌曲:妇女新知(2001)
演唱:莫文蔚( Karen Mok )
作词:黄伟文
作曲:蔡一智