丁黛 > 春风微微 > 送君珠泪滴

送君珠泪滴

《送君珠泪滴》Sàng Kun Tsu-luī Tih
丁黛Ting Tāi

一路送君到车站
tsi̍t-lōo sàng kun kàu tshia-tsām
两人情份毋甘放
nn̄g-lâng tsîng hūn m̄-kam pàng
依依难舍心沉重
i-i-lân-siá sim-tîm tāng
煞来目箍红
suah lâi ba̍k-khoo âng

望君真心相疼痛
bāng kun tsin-sim sio thiànn-thàng
为君守空房
uī kun siú khang-pâng
咱情意毋通袂记
lán tsîng-ì m̄-thang buē-kì
我是你的人
guá sī lí ê lâng

两人离别越头看
nn̄g lâng lî-pia̍t ua̍t-thâu khuànn
点点珠泪滴袂煞
tiám-tiám tsu-luī tih buē-suah
亲像真珠拍断线
tshin-tshiūnn tsin-tsu phah-tn̄g suànn
伤心送情伴
siong-sim sàng tsîng-phuānn

为国服务著出外
uī kok ho̍k-bū tio̍h tshut-guā
甘愿来拖磨
kam-guān lâi thua-buâ
在军中著爱保重
tsāi kun-tiong tio̍h-ài pó-tiōng
毋通受风寒
m̄-thang siū hong-kuânn

三声无奈爱分开
sann siann bô-nāi ài hun-khui
我是坚心咧爱你
guá sī kian-sim teh ài lí
心情坚定才应该
sim-tsîng kian-tīng tsiah ìng-kai
写批予我知
siá phue hōo guá tsai

为君思情暗悲哀
uī kun su-tsîng àm pi-ai
期待倒转来
kî-thāi tò-tńg--lâi
阮毋管三年五冬
gún m̄-kuán sann-nî-gōo-tang
也是欲等待
iā-sī bueh tán-thāi