除非溪水颠倒流

蔡秋凤( Kerris )

《除非溪水颠倒流》Tû-hui Khe-tsuí Tian-tò Lâu
蔡秋凤Tshuà Tshiu-hōng

一更若到
tsi̍t-kinn nā kàu
阮就想欲吼
gún tiō siūnn-bueh háu
二更过后
jī-kinn kuè-āu
三更目屎一直流
sann-kinn ba̍k-sái it-ti̍t lâu

过去啊的感情
kuè-khì--ah ê kám-tsîng
为你付出遮尔厚
uī lí hù-tshut tsiah-nī kāu
你煞绝情做你走
lí suah tsua̍t-tsîng tsuè lí tsáu

予阮想袂晓
hōo gún siūnn buē-hiáu
真是予阮想袂晓
tsin-sī hōo gún siūnn buē-hiáu
敢是命运共阮做对头
kám-sī miā-ūn kā gún tsuè tuì-thâu
抑是阮佗位做无到
ia̍h-sī gún tó-uī tsò bô kàu

若是叫阮莫阁计较
nā-sī kiò gún mài koh kè-kàu
敢知影
kám tsai-iánn
阮的青春年年老
gún ê tshing-tshun nî-nî lāu
若是叫阮阁回头
nā-sī kiò gún koh huê-thâu
除非溪水会颠倒流
tî-hui khe-tsuí ē tian-tò lâu


歌曲:除非溪水颠倒流
演唱:蔡秋凤( Kerris )