作词：MC仁
作曲：MC仁
编曲：DJ Prepare
现在系调查员一号嘅现场报导
现在呢度系中环空气监测站
德辅道中遮打道路口
个个唔系乱冲就系乱走
想揾个人停低问嘢都几难搅
嗱宜家大家面前呢一位著住一件心口上面
印住绿色和平大大只四个字
嘅大只后生仔又睇佢系点睇
唔好意思先生而家问番你几个有关
香港空气污染嘅简单问题
阵间你照直答就啱唔需要担心
啲问题太深会过唔到关会答得唔够好
会答得唔够班答得唔啱答错又无得掹
唔驶谂咁多请你准备好听住我数
123 anytime
我问你香港嘅空气似系乜嘢味道﹖
香港嘅空气属于乜嘢质数﹖
空气质数指标所指嘅系乜嘢数﹖
环保嘅政府佢地系点样计数﹖
点解佢哋计数计到好似呃细路﹖
点解永远合格呢度明明系好大雾﹖
点解廿年来计法一啲都无变到﹖
无话需要检讨一于当无到﹖
大家无须担心一于继续行路
最好行既嘅度呢度系行政主导
跟住个世界既计法咪日日唔合格
条街唔适合人企系到口擘擘
条街唔行得人嘅话咁我哋点发达﹖
香港嘅空气最好系银纸味道
你去到边度问人 个个都会咁答
揞住个鼻你先好过马路…
香港嘅空气就系呢个味道…
知道真相你就知道味道…
香港嘅空气就似系呢个味道…
香港嘅空气系乜嘢颜色﹖
知道真相我哋就知道颜色
香港嘅天空点样回到蓝色﹖
知道真相我地就知道颜色
现在系调查员二号企响大帽山顶报导
退一步现场我哋海阔天空
响呢一度又对香港嘅天空发出一堆问号
顺便对香港嘅空气做一个颜色分析
我哋熟悉嘅天空系咪应该系蓝色﹖
山系绿色土地系黄色﹖
系为左乜嘢目的﹖
一条乜嘢嘅增值程式﹖
呢度嘅景色被不断建设同变色慢慢变色晚晚激光表演
漫漫无目的
系海港嘅雾入面充斥着无色污渍﹖
我问你香港既天空似系乜嘢颜色﹖
香港城巿景色又系用乜嘢装饰﹖
用乜嘢方式堆砌﹖
加快攻势不顾一切
用最短时间将一切公诸于世
一切发展计划若系虚伪假大空
咁搅呢坛大戏
就为左响大人领功﹖
一切为了功利
一切在所不计
最后牺牲嘅系我哋嘅空气
同大家个肺