作词：郑国江
编曲：顾家辉
(好心啦 施舍个发财钱啦)
放眼世界睇倒也心酸(咪心酸)
身家多担心到癫怕贼劫又怕出老千
通街几鬼多忧郁面话我黐线
我笑得最自然 自然过自然 时时亦咁甜
睇倒工友迫车就怕未上车先迫扁
佢又要任老板去点
天天返工都睇口面 做到黐线
永冇做完用劳力去换钱 未及我饱暖
(先生话过要自食其力
你懒惰就唔抵可怜其实我都 好辛苦
周时企到 对脚都冤点解你唔领救济金呢
唔知够我买米 定系买盐 癫嘅)
识得乞钱点样算癫(算疯癫)
请施舍一个仙 就算系当俾个面
乞儿识得悭悭俭 并冇黐线
吔糖会落盐 石头亦当系钱 咸时亦当甜
伸开手板攞钱就当系收规收黑钱
你话当系教堂劝捐
驶乜即刻㶶起块面 话我讨厌
靠乞去赚钱 用名誉去卖钱 亦胜偷呃骗
(乞儿你 乱语胡言 不如送你去青山医院
既然大家都系 伸手攞
点解将我当得 咁下贱呀
人哋系 为大众嘅 好心你
梗系啦 我冇钱㖞)
咪咁眼浅啦
不惊箍颈皆因冇钱(快乞钱)
乞儿开心到癫 又免纳税悭晒钱
不必交租真方便 食嘢等奉献
著衫最自然 集成服嘅大全
时时亦系过年
好心施舍多啲 就当系我收买路钱
我又叩又拜撼到穿
乞儿乞钱认真友善 莫说讨厌
靠抢你就完 行为十美十全
就当推销奖券
(唔啱你帮我哋买晒D奖券佢呀
系囉 买晒佢啦 咁呀 好啦 咁你俾钱啦
系囉俾钱啦 钱呀 嗱 石头嚟嘅
石头石头唔系钱嚟嘅咩
喂喂喂 你唔攞石头呀 啊 又走晒啦)