作词：黄霑
作曲：黄霑
睇开啲啦，喂，Never Mind, 睇开啲啦，喂，Never Mind.
脚面跴咗人脚底鞋，系要报仇实在冇解，你跴今朝，我跴听晚，实系两家跴到坏。
虽则可怜对新鞋，无谓伯娘问候咁乖，冤冤相报，报得几次，事后两家都会败。
睇开啲啦，就睇开啲啦，睇得开啲点会坏，睇得开就睇开啲啦，讲多嘥气Never Mind.
好心帮人两份挨谁料过桥就比佢跴，讲声Good-Bye, 咪鬼谷气，第日最多保佢大。
世间周围咁多粮，人地份要埋亦系会嘥，吞得多少我由得佢，食滞佢盏搞到胀坏。
睇开啲啦，就睇开啲啦，谷得多呢盏肺坏。
睇得开就睇开啲啦，讲多嘥气Never Mind.
睇开啲啦，喂，Never Mind, 睇开啲啦，喂，Never Mind.
几多顶爷恶吔王，大晒到头亦系听拉，要风得风，雨想得雨，阎罗也不将账卖。
一生加埋有几年，人瑞到期亦系要拉，睇得开啲，放得开晒，实在你得益会更大。
睇开啲啦，就睇开啲啦，睇得开啲梗冇坏，睇得开就睇开啲啦，讲多嘥气Never Mind.
睇开啲啦，喂，Never Mind, 睇开啲啦，喂，Never Mind. 一于讲句Never Mind, Never Mind.