作词：郭奖/张路
作曲：郭奖
编曲：韩贤光
流浪来到台北城市
身躯已经无索费
弹著吉他维持着生活
映望小卒仔变英雄的名
原来都市拢这虚华
薪水阶级无够看
三顿宵夜拢吃美国餐厅
续摊来去Piano Bar
有人天生出世皇帝命
无人天生愿意做乞丐
阮每工快乐来唸歌
抱着蜡条强欲烧完的心蘟
阮是无水的鼎
已经烧甲臭火干
嘛是用情来唱出小卒仔的心声
------------------------------------------
《小卒仔的心声》Sió-tsut-á ê Sim-siann
郭碁Kueh Kî
流浪来到台北城市
liû-lōng lâi-kàu Tâi-pak siânn-tshī
身躯已经无所费
sin-khu í-king bô sóo-huì
弹著吉他
tuânn tio̍h gì-thah
维持着生活
î-tshî tio̍h sing-ua̍h
向望小卒仔
ǹg-bāng sió-tsut-á
变英雄的名
piàn ing-hiông ê miâ
原来都市拢遮虚华
guân-lâi too-tshī lóng tsiah hi-hua
薪水阶级无够看
sin-suí kai-kip bô-kàu khuànn
三顿宵夜
sann-tǹg siau-iā
拢食美国餐厅
lóng tsia̍h bí-kok tshan-thiann
绁摊来去Piano Bar
suà thuann lâi-khì Piano Bar
有人天生出世皇帝命
ū-lâng thian-sing tshut-sì hông-tè-miā
无人天生愿意做乞食
bô-lâng thian-sing guān-ì tsuè khit-tsia̍h
阮每工快乐来唸歌
gún muí kang khuài-lo̍k lâi liām-kua
抱着蜡条强欲烧完的心情
phō tio̍h la̍h-tiâu kiōng-beh sio uân ê sim-tsiânn
阮是无水的鼎
gún sī bô tsuí ê tiánn
已经烧甲臭火焦
í-king sio kah tshàu-hué-ta
嘛是用情
mā sī iōng tsîng
来唱出小卒仔的心声
lâi tshiùnn-tshut sió-tsut-á ê sim-siann