相逢大肚站

王江发

9621/《相逢大肚站》Siong-hông Tuā-tōo-tsām
王江发Ông Kang-huat

落南的列车喇叭声
lo̍h-lâm ê lia̍t-tshia lá-pah siann
头前就是大肚站矣
thâu-tsîng tiō-sī Tuā-tōo-tsām--ah
思乡的心情
su-hiong ê sim-tsiânn
你敢知影
lí kám tsai-iánn
心爱就欲出现伫遐
sim-ài tiō-beh tshut-hiān tī hia

当初是你鼓励着我
tong-tshoo sī lí kóo-lē tio̍h guá
天大地大
thinn tuā tē tuā
出去拍拼
tshut-khì phah-piànn
无论咸酸抑苦汫
bô-lūn kiâm-sng ia̍h khóo-tsiánn
你欲佮我做伙食
lí beh kah guá tsò-hué tsia̍h

如今的我
jû-kim ê guá
带着好名声
tuà tio̍h hó miâ-siann
用爱呼唤你的名
iōng ài khoo-huàn lí ê miâ
若无你
nā bô lí
就无我
tiō bô guá
爱你的心袂变卦
ài lí ê sim buē piàn-kuà

受尽委屈佮拖磨
siū-tsīn uí-khut kah thua-buâ
耽误青春为着我
tam-gōo tshing-tshun uī-tio̍h guá
就算䞐一喙饭
tiō-sǹg tshun tsi̍t-tshuì pn̄g
嘛也欲予你食
mā beh hōo lí tsia̍h
大肚站外有你等伫遐
Tuā-tōo-tsām guā ū lí tán tī hia


歌曲:相逢大肚站
演唱:王江发