詹雅雯 > 我已经爱到你 > 故乡限时批

故乡限时批

故乡一张限时批 爸爸亲笔写的
内容虽然写无多 一字一句疼入阮心底
问我生活甘有困难 头路甘好势
问我三顿吃会饱抹
天气变冷著照顾身体
冷雨暗风吹 出外人怨嗟
目屎已滴湿归张批

批信写无归行字 目屎著流抹离
离开故乡归半年 不曾有闲倒返去
异乡冷暖苦涩滋味 我已终惯习
日子过的虽不如意
批信也不敢提起半字
思念故乡亲思念故乡味
思念故乡的秋月圆

------------------------------------------

《故乡限时批》Kòo-hiong Hān-sî-phue
詹雅雯Tsiam Ngá-bûn

故乡一张限时批
kòo-hiong tsi̍t-tiunn hān-sî-phe
爸爸亲笔写的
pá-pah tshin-pit siá--ê
内容虽然写无济
luē-iông sui-liân siá bô tsuē
一字一句疼入阮心底
tsi̍t-jī tsi̍t-kù thiànn-li̍p gún sim-té

问我生活敢有困难
mn̄g guá sing-ua̍h kám ū khùn-lân
头路敢好势
thâu-lōo kám hó-sè
问我三顿食会饱袂
mn̄g guá sann-tǹg tsia̍h ē pá--buē
天气变冷著照顾身体
thinn-khì piàn líng tio̍h tsiàu-kòo sin-thé
冷落暗风吹
líng-lo̍h àm-hong tshue
出外人怨戚
tshut-guā-lâng uàn-tsheh
目屎已滴澹规张批
ba̍k-sái í tih tâm kui tiunn phe

批信写无几行字
phue-sìn siá bô kuí hâng jī
目屎就流袂离
ba̍k-sái tiō lâu buē-lī
离开故乡规半年
lī-khui kòo-hiong kui puànn-nî
毋捌有闲倒转去
m̄ bat ū-îng tò-tńg--khì

异乡冷暖苦涩滋味
ī-hiong líng-luán khóo-siap tsu-bī
我已经惯势
guá í-king kuàn-sì
日子过得虽不如意
ji̍t-tsí kuè tit sui put lû-ì
批信也毋敢提起半字
phue-sìn iā m̄-kánn thê-khí puànn-jī
思念故乡亲
su-liām kòo-hiong tshin
思念故乡味
su-liām kòo-hiong bī
思念故乡的秋月圆
su-liām kòo-hiong ê tshiu-gue̍h înn