编曲：永田
作词：叶俊麟
思念着心爱哥哥 每日伤心过日子
你怎不赶紧返来 寂寞阮身边
啊～～～ 咱来离开彼一暝
你在窗边对阮约束 永远不分离
谁人会知你一去 已经五年
为怎样全然无批 叫阮暗惊疑
惦山仑听见鸟只 啼叫声音引心悲
想彼日双人时常 做阵到山边
啊～～～ 彼时鸟只真稀奇
惦在树上唱歌伴咱 快乐心绵绵
谁人会知你一去 无消无息
阮听着山仑鸟声 加添心稀微
看月娘惦在天边 虽然亲像彼一暝
阮怎样心情悲伤 目屎溼目墘
啊～～～ 窗外秋虫吱吱啼
拜托月娘替阮传达 阮怎思念伊
谁人会知你一去 薄情薄义
放著阮惦在家乡 空空等五年
------------------------------------------
《伤心的少女》Siong-sim ê Siàu-lú
王秀如Ông Siù-jû
思念着心爱哥哥
su-liām tio̍h sim-ài ko--koh
每日伤心过日子
muí-ji̍t siong-sim kè ji̍t-tsí
你怎毋赶紧转来
lí tsuánn m̄ kuánn-kín tńg--lâi
寂寞阮身边
tsi̍k-bo̍k gún sin-pinn
啊~咱来离开彼一暝
ah~ lán lâi lī-khui hit tsi̍t-mî
你在窗边对阮约束
lí tsāi thang-pinn tuì gún iok-sok
永远毋分离
íng-uán m̄ hun-lî
啥人会知
siánn-lâng ē tsai
你一去已经五年
lí tsi̍t-khì í-king gōo-nî
为怎样全然无批
uī tsuánn-iūnn tsuân-jiân bô phue
叫阮暗惊疑
kiò gún àm kiann-gî
踮山仑听见鸟只
tiàm suann-lūn thiann-kìnn tsiáu-tsiah
啼叫声音引心悲
thî-kiò siann-im ín sim-pi
想彼日双人时常
siūnn hit ji̍t siang-lâng sî-siông
做阵到山边
tsuè-tīn kàu suann-pinn
啊~彼时鸟只真稀奇
ah~ hit-sî tsiáu-tsiah tsin hi-kî
踮在树上唱歌伴咱
tiàm-tsāi tshiū-siōng tshiùnn-kua phuānn lán
快乐心绵绵
khuài-lo̍k sim mî-mî
啥人会知你一去
siánn-lâng ē tsai lí tsi̍t-khì
无消无息
bô-siau-bô-sik
阮听着山仑鸟声
gún thiann-tio̍h suann-lūn tsiáu-siann
加添心稀微
ka-thiam sim hi-bî
看月娘踮在天边
khuànn ge̍h-niû tiàm-tsāi thinn-pinn
虽然亲像彼一暝
sui-jiân tshin-tshiūnn hit tsi̍t-mî
阮怎样心情悲伤
gún tsuánn-iūnn sim-tsîng pi-siong
目屎澹目墘
ba̍k-sái tâm ba̍k-kînn
啊~窗外秋虫吱吱啼
ah~ thang-guā tshiu-thâng ki-ki thî
拜托月娘替阮转达
pài-thok ge̍h-niû thè gún tsuán-ta̍t
阮怎思念伊
gún tsuánn su-liām i
啥人会知你一去
siánn-lâng ē tsai lí tsi̍t-khì
薄情薄义
po̍k-tsîng po̍k-gī
放著阮踮在家乡
pàng tio̍h gún tiàm-tsāi ka-hiong
空空等五年
khang-khang tán gōo-nî