作词：钟永丰
作曲：林生祥
献给林秀贞及其伙伴
伙房里，屋迹地，持分杂，割毋利
阿干伯，阿祯叔，整理理，菜种地
地净净，菜靓靓，庄肚里，好名声
政府钱，毋可靠，阿秀贞，来邀和
上庄阿玲介产后忧郁症
下背阿明介失业燥郁症
越南阿珠珠介孻子
么该伫学校适应不良
做佢等来这里搞泥凑阵
来种 来搞
秀贞介菜园
阿干伯母介吊菜仔种
阿祯弥媄介长豆仔种
印尼阿莉介辣椒仔
还有无食睡毋落介黄姜
做佢等来这里落土传种
来种 来搞
秀贞介菜园
不论经济好坏
当权介轮赖派
只要那菜园还青旺
加上这兜天兵天将
菜瓜仔蕃薯叶乐拔仔脉仔高丽菜
定着食毋歇又送毋利
来种 来搞
秀贞介菜园